తండ్రి జ్ఞాపకార్థం ఆలయాలకు రూ.50 వేల విరాళం

గోనెగండ్ల ప్రతినిధి 
గోనెగండ్ల: గంజిహళ్లి గ్రామంలోని అయ్యకొండపై వెలసిన శ్రీ చింతలముని రంగస్వామి, శ్రీ నల్లారెడ్డి స్వామి ఆలయాల అభివృద్ధికి రూ.50 వేల విరాళం అందించారు. శ్రీ గంజల్ల బడేసాహెబ్ స్వామి వారి ముని మనవడు, ఎలక్ట్రికల్ ఇంజనీర్ సయ్యద్ చిన్న ముద్గోల్ తన తండ్రి స్వర్గీయ దర్గా మాబుసాహెబ్ జ్ఞాపకార్థం ఈ విరాళాన్ని ప్రకటించారు. ఆయన తల్లి దర్గా భానుభీ చేతుల మీదుగా రూ.50 వేల నగదును ఆలయ అభివృద్ధి పనుల కోసం అందజేశారు. కార్యక్రమంలో శ్రీ బడేసాహెబ్ దర్గా సొసైటీ అధ్యక్షుడు బడేసాహెబ్, గంజల్ల తిరుమలరెడ్డి, గంజిహళ్లి, అయ్యకొండ గ్రామాల పెద్దలు పాల్గొన్నారు.