తిరుమలఇంజినీరింగ్ కళాశాలలో యమహా మోటార్స్ క్యాంపస్ నియామకాలు..

20 మందివిద్యార్థులకు ఉద్యోగాలు

నరసరావుపేట న్యూస్ : మండలపరిధిలోని స్థానిక జొన్నలగడ్డలో ఉన్న తిరుమల ఇంజినీరింగ్ కళాశాలలో చెన్నైకు చెందిన ప్రముఖ సంస్థ యమహా మోటార్స్ ఆధ్వర్యంలో అక్టోబర్ 29న క్యాంపస్ నియామకప్రక్రియ నిర్వహించారు. ఈ నియామక ప్రక్రియలోభాగంగా నిర్వహించిన రాత పరీక్షకు మొత్తం 140 మంది విద్యార్థులు హాజరుకాగా వారిలో 80 మంది తదుపరి రౌండ్‌కు అర్హత సాధించారు. అనంతరం నిర్వహించిన టెక్నికల్ తదితర ఎంపిక ప్రక్రియల ద్వారా మొత్తం 20 మంది విద్యార్థులు తుది ఎంపికయ్యారు. ఎంపికైన వారిలో ఈసీఈ  విభాగంనుంచి 19 మంది, ఈఈఈ విభాగం నుంచి ఒక విద్యార్థి ఉన్నారు. వీరంతా ట్రైనీ ఇంజినీర్ ఉద్యోగాలకు సంవత్సరానికి రూ.2.80 లక్షల వేతన ప్యాకేజీతో ఎంపికయ్యారు. ఈ నియామక ప్రక్రియనుకంపెనీ హెచ్‌ఆర్ ప్రతినిధి వేణుగోపాల్ నిర్వహించారు. ఈ సందర్భంగా కళాశాలచైర్మన్ బొల్లా బ్రహ్మనాయుడు, సెక్రటరీ అండ్ కరస్పాండెంట్ రావెల సత్యనారాయణ, ప్రిన్సిపాల్ డా. వై.వి. నారాయణ, ట్రైనింగ్ అండ్ ప్లేస్‌మెంట్ అధికారి ఎం. సాంబశివరావు ఎంపికైన విద్యార్థులను అభినందించారు. భవిష్యత్తులో మరింత మంది విద్యార్థులు ఇలాంటి ఉద్యోగ అవకాశాలను సద్వినియోగం చేసుకొని ఉన్నత స్థాయికి ఎదగాలని ఆకాంక్షించారు. ఈ సందర్భంగా ఎంపికైనవిద్యార్థులు మాట్లాడుతూ కళాశాలలో అందించిన నాణ్యమైన శిక్షణ, మాక్ ఇంటర్వ్యూలు, ప్రత్యేక ప్లేస్‌మెంట్ శిక్షణ తమ విజయానికి ఎంతగానోదోహదపడ్డాయని తెలిపారు. తమకు విలువైన ఉద్యోగ అవకాశాన్ని కల్పించిన కళాశాల యాజమాన్యానికి, ప్లేస్‌మెంట్ విభాగానికి ప్రత్యేక కృతజ్ఞతలు తెలియజేశారు.