తెరుచుకోని అంగన్వాడీ కేంద్రం..

- సూపర్వైజర్‌కు గ్రామస్తుల ఫిర్యాదు.
- ఆఫీసుకు వచ్చి ఫిర్యాదు చేయాలన్న సూపర్వైజర్..
- ఇన్చార్జ్ పి ఓ పర్యవేక్షణా లోపం కారణమని ఆరోపణలు ..

నరసన్నపేట, నవంబర్ 13 మేజర్ న్యూస్:
నరసన్నపేట మండలం కరగాం పంచాయతీ పరిధిలోని నర్సింగపల్లి గ్రామంలో అంగన్వాడీ కేంద్రం గురువారం తెరుచుకోకపోవడంపై గ్రామస్తులు సంబంధిత సూపర్వైజర్ రమణమ్మకు ఫోన్ ద్వారా ఫిర్యాదు చేశారు. చిన్నారులకు పౌష్టికాహారం అందించడంతో పాటు ప్రాథమిక సంరక్షణ కల్పించాల్సిన అంగన్వాడీ కేంద్రం పనిచేయకపోవడంపై గ్రామస్తులు ఆగ్రహం వ్యక్తం చేశారు.

గ్రామస్తుల ఆరోపణల ప్రకారం.. అంగన్వాడీ కార్యకర్త  ఫేస్ యాప్‌లో హాజరు నమోదు చేసినప్పటికీ, కేంద్రాన్ని తెరవకుండా మూసివేశారు. దీంతో కొందరు గ్రామస్తులు కేంద్రం మూసివేసి ఉన్న దృశ్యాలను ఫొటోలు, వీడియోల రూపంలో చిత్రీకరించి సూపర్వైజర్ రమణమ్మకు పంపిస్తూ ఫిర్యాదు చేశారు.

ఈ విషయంపై స్పందించిన సూపర్వైజర్ రమణమ్మ.. నరసన్నపేట ఐసీడీఎస్ ప్రాజెక్టు అధికారికి విషయం తెలియజేసి, తగిన చర్యలు తీసుకునేలా చూస్తామని హామీ ఇచ్చినట్లు గ్రామస్తులు తెలిపారు.
అంగన్వాడీ కేంద్రం తెరుచుకొని విషయాన్ని నరసన్నపేట ఐసిడిఎస్ పి ఓ కు వివరణ కూడా ఎందుకు ప్రయత్నించగా ఆమె స్పందించలేదు. సూపర్వైజర్ రమణమను వివరణ కోరగా గ్రామస్తులు ఫిర్యాదు చేసిన మాట వాస్తవమేనని, విషయాన్ని పిఓ కి తెలియజేశానని, ఆధారాలతో లిఖితపూర్వకంగా ఫిర్యాదు చేస్తే  చర్యలు తీసుకుంటామన్నారని ఆమె అన్నారు..