తెలుగుదేశం పార్టీలో చేరిన రామప్రసాద్

భట్టిప్రోలు, మేజర్ న్యూస్: మండల కేంద్రమైన భట్టిప్రోలు గ్రామానికి చెందిన తాజా మాజీ గ్రామ ఉప సర్పంచ్ బూర్లె రామ ప్రసాదు సోమవారం తెలుగుదేశం పార్టీ లో చేరారు. రాష్ట్ర మాజీ మంత్రి వేమూరు శాసనసభ్యులు నక్క ఆనందబాబు సమక్షంలో రామప్రసాదు పార్టీ కండువా కప్పి ఎమ్మెల్యే పార్టీలోనికి  ఆహ్వానించారు. గత ఐదు సంవత్సరాలు పంచాయితీ ఉపసర్పంచిగా పనిచేసి గ్రామాభివృద్ధికి పాటుపడిన రామప్రసాద్ తెలుగుదేశం పార్టీ కూటమి పాలన వైపు  ఆకర్షితుడై పార్టీలో చేరుతున్నట్లు ఆయన ఈ సందర్భంగా తెలిపారు. గతంలో రామ ప్రసాదు 1982 నుండి పార్టీలో అంకితభావంతో పనిచేశారు. ఈయన పార్టీలో రాకతో తెలుగుదేశం పార్టీ శ్రేణుల్లో హర్షాతిరేకాలు వ్యక్తమవు తున్నాయి. ఈ సందర్భంగా ఆయన మాట్లాడుతూ నందమూరి తారకరామారావు అభిమానిగా పార్టీలో చేరి ఆనాటి నుండి పార్టీకి అంకితభావంతో కృషి చేశానని రానున్న రోజుల్లో తెలుగుదేశం, జనసేన, బిజెపి పార్టీల నాయకులు, కార్యకర్తలతో కలసి పార్టీకి అంకితభావంతో పని చేస్తానని తెలిపారు.