టీ.నర్సాపురం మండలంలో సీపీఎం, సీపీఐ ఉమ్మడి పోటీ నాలుగు ఎంపీటీసీ స్థానాల్లో అభ్యర్థుల ప్రకటన ప్రజా సమస్యలపై పోరాడే అభ్యర్థులను గెలిపించండి: వామపక్ష నేతల పిలుపు

టీ.నర్సాపురం, మేజర్ న్యూస్:స్థానిక ఎన్నికల నేపథ్యంలో ఏలూరు జిల్లా టీ.నర్సాపురం మండలంలో సీపీఎం, సీపీఐ పార్టీలు ఉమ్మడిగా పోటీ చేయాలని నిర్ణయించినట్లు సీపీఎం జిల్లా కార్యదర్శివర్గ సభ్యుడు పి.రామకృష్ణ, సీపీఐ జిల్లా కౌన్సిల్ సభ్యుడు పి.వి.సాగర్ మంగళవారం వెల్లడించారు. మండలంలోని టీ.నర్సాపురం, తిరుమలదేవిపేట ఎంపీటీసీ స్థానాల్లో ఒక్కో పంచాయతీ పరిధిలో రెండు చొప్పున మొత్తం నాలుగు స్థానాల్లో ఉమ్మడి అభ్యర్థులను బరిలోకి దింపుతున్నట్లు తెలిపారు.ప్రజా సమస్యలపై నిరంతర పోరాటంమండలంలో భూమి సమస్యలు, ఇళ్ల స్థలాల సమస్యలపై సీపీఎం, సీపీఐ పార్టీలు ఉమ్మడిగా పోరాటాలు నిర్వహిస్తూ ప్రజలకు అండగా నిలుస్తున్నాయని నాయకులు తెలిపారు. బడుగు, బలహీన వర్గాలకు చెందినవారితో పాటు ప్రజా సమస్యల పరిష్కారం కోసం నిరంతరం కృషి చేస్తున్న నాయకులను ఉమ్మడి అభ్యర్థులుగా ఎంపిక చేసినట్లు పేర్కొన్నారు.గ్రామీణ సమస్యల పరిష్కారమే లక్ష్యంమండలంలోని గ్రామాల్లో అంతర్గత రహదారులు, తాగునీరు, విద్యుత్ వంటి మౌలిక సదుపాయాల సమస్యలు ప్రజలను ఇబ్బందులకు గురిచేస్తున్నాయని నాయకులు ఆవేదన వ్యక్తం చేశారు. భూమి, ఇళ్ల స్థలాల సమస్యలతో పాటు స్థానికంగా ప్రజలు ఎదుర్కొంటున్న ఇబ్బందుల పరిష్కారం కోసం తమ పార్టీలు నిరంతరం కృషి చేస్తున్నాయని తెలిపారు.సుదీర్ఘకాలంగా పార్టీల్లో పనిచేస్తూ ప్రజల్లో గుర్తింపు పొందిన కార్యకర్తలను ఎంపీటీసీ అభ్యర్థులుగా ఎంపిక చేశామని, ప్రజా సమస్యలపై ఎలా పోరాడాలనే అవగాహన వారికుందని పేర్కొన్నారు.డబ్బు, మద్యానికి లొంగని అభ్యర్థులను గెలిపించండిఎన్నికల్లో డబ్బు, మద్యానికి లొంగకుండా ప్రజా సమస్యలపై నికరంగా పోరాడే అభ్యర్థులను ప్రజలు గెలిపించాలని వామపక్ష నాయకులు విజ్ఞప్తి చేశారు. కూటమి ప్రభుత్వం అధికారంలోకి వచ్చిన తర్వాత కూడా టీ.నర్సాపురం, తిరుమలదేవిపేట పంచాయతీల పరిధిలో పేదలు అనేక సమస్యలతో ఇబ్బందులు పడుతున్నారని తెలిపారు.రానున్న స్థానిక ఎన్నికల్లో వామపక్ష ఉమ్మడి అభ్యర్థులను గెలిపిస్తే ప్రజా సంక్షేమమే ధ్యేయంగా పనిచేస్తామని స్పష్టం చేశారు.ఈ సమావేశంలో సీపీఎం జిల్లా కమిటీ సభ్యుడు గూడెల వెంకటరావు, మండల నాయకులు మడకం కుమారి, బరకడ కుమారి తదితరులు పాల్గొన్నారు.