టీడీపీలోకి నాగిరెడ్డిపల్లె గ్రామ నాయకులు

మాగుంట శ్రీనివాస రెడ్డి, ఎమ్మెల్యే ముత్తుముల అశోక్ రెడ్డి సమక్షంలో టీడీపీ పార్టీలో చేరిక 

గిద్దలూరు మేజర్ న్యూస్  పట్టణంలోని తెలుగుదేశం పార్టీ కార్యాలయంలో కొమరోలు మండలం నాగిరెడ్డి పల్లె గ్రామానికి చెందిన పందనబోయిన భూపాల్ గారి ఆధ్వర్యంలో పలువురు నాయకులు కూటమి ప్రభుత్వం సంక్షేమ పథకాలు, నియోజకవర్గం లో జరుగుతున్న అభివృద్ధి కి ఆకర్షితులై వైసీపీ పార్టీ ని వీడి తెలుగుదేశం పార్టీలో చేరారు. ఉమ్మడి ప్రకాశం జిల్లా ఎంపీ మాగుంట శ్రీనివాస రెడ్డి , గిద్దలూరు ఎమ్మెల్యే ముత్తుముల అశోక్ రెడ్డి వారికి టీడీపీ కండువాలు కప్పి పార్టీలోకి సాదరంగా ఆహ్వానించారు.

పార్టీలో చేరిన వారిలో బోల్లేవుల నడిపి సుబ్బారెడ్డి, బోల్లేవుల సుబ్బారెడ్డి, మేకల నడిపి ఆవులయ్య, మేకల వీరయ్య, మేకల భూపాల్, బైళ్ల చంద్రపాల్ తదితర నాయకులు ఉన్నారు.

ఈ కార్యక్రమంలో కొమరోలు మండల ప్రముఖులు, కూటమి నాయకులు పాల్గొన్నారు.