స్థానిక సంస్థల ఎన్నికలు సమర్థవంతంగా నిర్వహించాలి

ఆత్రేయపురం మేజర్ న్యూస్ మండలంలోని స్థానిక సంస్థల ఎన్నికలను సమర్థవంతంగా , నిష్పక్షపాతంగా నిర్వహించాలని మండల రిటర్నింగ్ అధికారి వీఆర్ రుద్ర ఎంపీడీవో పి వీ ఆర్ కె రాజు తాసిల్దార్ శ్రీరామచంద్రమూర్తి లు అధికారులకు సూచించారు. సోమవారం  మండల పరిషత్ కార్యాలయంలో వివిధ శాఖల అధికారులతో ఆయన సమీక్ష సమావేశం నిర్వహించారు.

ఈ సందర్భంగా ఆయన మాట్లాడుతూ ఎన్నికల నిర్వహణలో అధికారులు సమన్వయంతో పనిచేయాలని  ఓటర్లు ఎటువంటి ఇబ్బందులు పడకుండా పోలింగ్ కేంద్రాల్లో అవసరమైన సదుపాయాలు కల్పించాలన్నారు. ముఖ్యంగా దివ్యాంగులు, వృద్ధులు సులభంగా ఓటు హక్కును వినియోగించుకునేలా పోలింగ్ కేంద్రాల్లో ర్యాంపులు ఏర్పాటు చేయాలని, వారికి అవసరమైన సహకారం అందించాలని ఆదేశించారు. ఎన్నికల ప్రక్రియ సజావుగా జరిగేలా సంబంధిత శాఖల అధికారులు ముందస్తు చర్యలు తీసుకోవాలని సూచించారు