*సోమవారం ప్రజల సమస్యల పరిష్కారం కోసం పీజీఆర్‌ఎస్‌* *క్యూఆర్‌ కోడ్ ద్వారా పీజీఆర్‌ఎస్‌పై అభిప్రాయాన్ని నమోదు చేసుకోవచ్చు* *జిల్లా కలెక్టర్ డా.ఏ.సిరీ
కర్నూలు, అక్టోబర్ 03:- ప్రజల సమస్యలను నేరుగా తెలుసుకుని, వాటికి సత్వర పరిష్కారం చూపే ఉద్దేశంతో ప్రజా ఫిర్యాదుల పరిష్కార వేదిక కార్యక్రమాన్ని సోమవారం కలెక్టరేట్‌ లోని సునయన ఆడిటోరియంలో,రెవెన్యూ డివిజన్, మండల కార్యాలయాల్లో నిర్వహించనున్నట్లు జిల్లా కలెక్టర్ డా.ఏ.సిరి తెలిపారు.
*క్యూఆర్‌ కోడ్ ద్వారా సమస్యల పరిష్కారంపై ఫీడ్ బ్యాక్*
పీజీఆర్‌ఎస్‌ కార్యక్రమంలో ప్రజలకు మరింత సౌకర్యవంతమైన సేవలు అందించేందుకు ప్రభుత్వం క్యూఆర్‌ కోడ్ సౌకర్యాన్ని అందుబాటులోకి తీసుకువచ్చినట్లు కలెక్టర్ తెలిపారు. పీజీఆర్‌ఎస్‌ కార్యక్రమంలో తమకు అందిన సేవలు, సమస్యల పరిష్కారంపై ప్రజలు తమ అభిప్రాయాలు, ఫీడ్‌బ్యాక్‌ను క్యూఆర్‌ కోడ్‌ను స్కాన్‌ చేయడం ద్వారా ఆన్‌లైన్‌లో నమోదు చేయవచ్చని తెలిపారు.
మొబైల్‌ ఫోన్‌లో క్యూఆర్‌ కోడ్‌ను స్కాన్‌ చేసిన అనంతరం తెరుచుకునే పీజీఆర్‌ఎస్‌ ఫీడ్‌బ్యాక్‌ పేజీలో అవసరమైన వివరాలను నమోదు చేసి తమ అభిప్రాయాన్ని సమర్పించవచ్చని పేర్కొన్నారు. ఈ విధానం ద్వారా పీజీఆర్‌ఎస్‌ సేవలపై ప్రజల అభిప్రాయాలను తెలుసుకోవడంతో పాటు, సేవల నాణ్యతను మరింత మెరుగుపరిచేందుకు అవకాశం ఉంటుందని తెలిపారు.
ప్రతి సోమవారం జిల్లా కలెక్టర్ కార్యాలయంలోను, మండల కార్యాలయాల్లోనూ నిర్వహించే పి.జి.ఆర్.ఎస్ లో అర్జీలు అందించండి, వాటిపై మీ స్పందనను క్యూ ఆర్ కోడ్ ద్వారా తెలియజేయండి అని జిల్లా కలెక్టర్ కోరారు.
