శ్రీ బాలా త్రిపురసుందరిగా ముత్యాలమ్మ అమ్మవారి దర్శనం

జంగారెడ్డిగూడెం- సూర్య న్యూస్, పట్టణంలోని నూతన మున్సిపల్ కార్యాలయ ప్రాంగణం సమీపంలో కొలువై ఉన్న శ్రీచక్ర సహిత శ్రీ ముత్యాలమ్మ అమ్మవారి ఆలయంలో దసరా శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో రెండవ రోజైన సోమవారం అమ్మవారు శ్రీ బాలా త్రిపురసుందరిగా భక్తులకు దర్శనమిచ్చారు.ఆలయ నిర్మాణకర్త బవిరిశెట్టి మురళీకృష్ణ, పద్మకుమారి దంపతులు, ఆలయ కమిటీ ఆధ్వర్యంలో ప్రధానార్చకులు ఆదిత్య మిశ్ర పర్యవేక్షణలో, విజయ పవన్ శర్మ నేతృత్వంలో ప్రత్యేక పూజా కార్యక్రమాలు నిర్వహించారు. ఉదయం నిత్యార్చన, ప్రత్యేక హారతులతో పాటు పసుపుకొమ్ములతో అర్చన, కుంకుమార్చన నిర్వహించారు.ఈ సందర్భంగా ఆధ్యాత్మికవేత్త కేఎల్ఎన్ ధనకుమార్ మాట్లాడుతూ, సర్వత్రా వ్యాపించి సమస్త జీవరాశికి శక్తిని అందించే ఆదిపరాశక్తి వివిధ నామరూపాలతో అవతరించిందని, అందులో శ్రీ బాలా త్రిపురసుందరి అవతారం విశిష్టమైనదని తెలిపారు. అమ్మవారికి పసుపుకొమ్ములతో అర్చన చేయడం సౌభాగ్యాన్ని ప్రసాదిస్తుందని పేర్కొన్నారు.సోమవారం ప్రసాదాన్ని చింతా నాగరాజు, నాగమణి దంపతులు, అమ్మవారి అలంకరణను చీమకుర్తి శ్రీనివాస్, వరలక్ష్మి దంపతులు, బాలా త్రిపురసుందరి పూజను కొండా రాము, శ్రీదేవి దంపతులు సమర్పించారు.మంగళవారం మూడవ రోజు ఉత్సవాల్లో భాగంగా ముత్యాలమ్మ అమ్మవారు శ్రీ గాయత్రీదేవిగా భక్తులకు దర్శనమివ్వనున్నారని ఆలయ నిర్మాణకర్త బవిరిశెట్టి మురళీకృష్ణ తెలిపారు. ఈ సందర్భంగా పంచవర్ణ గాజులతో అర్చన, కుంకుమార్చన నిర్వహించనున్నట్లు వెల్లడించారు. భక్తులు అధిక సంఖ్యలో పాల్గొని అమ్మవారిని దర్శించుకుని తీర్థప్రసాదాలు స్వీకరించాలని కోరారు.

 రిపోర్టర్ కె వి రమణ రావు జంగారెడ్డిగూడెం ఏలూరు జిల్లా