andhrapradesh
శంఖువానిపాలెం కనకదుర్గ అమ్మవారిని దర్శించుకున్న మేయర్ ముక్కా శ్రావణి
సీతమ్మధార, సూర్య : జీవీఎంసీ నూతన మేయర్ గా ఘన విజయం సాధించిన ముక్కా శ్రావణి 49వ వార్డులోని శంఖువానిపాలెం విజయ కనకదుర్గ అమ్మవారి ఆలయాన్ని దర్శించుకున్నారు.
ఈ సందర్భంగా ఆలయ పూజారులు పూర్ణకుంభంతో ఘనంగా స్వాగతం పలికి ప్రత్యేక పూజలు నిర్వహించారు. అమ్మవారికి పట్టు వస్త్రాలు సమర్పించి, నగర ప్రజల సుఖ సంతోషాల కోసం ముక్కా శ్రావణి ప్రత్యేక పూజలు చేయించారు. ఆలయానికి వచ్చిన ముక్కా శ్రావణికి స్థానిక మహిళలు, యువత, కూటమి నాయకులు, కార్యకర్తలు ఘన స్వాగతం పలికారు. అనంతరం ఆమె మాట్లాడుతూ అమ్మవారి ఆశీస్సులతోనే ఈ విజయం సాధ్యమైందని, విశాఖ అభివృద్ధికి కృషి చేస్తానని తెలిపారు.
