ఓట్ల లెక్కింపుకు ఏర్పాట్లు పూర్తి చేసిన అధికారులు

గూడూరు, మేజర్‌న్యూస్‌  :   జెడ్పీటీసీ, ఎంపీటీసీ ఎన్నికల ఓట్ల లెక్కింపు ప్రక్రియకు సంబంధించి లెక్కింపుకు ఏర్పాట్లు పూర్తి చేసినట్లు అధికారులు తెలిపారు. శుక్రవారం ఉదయం ఓటింగ్‌ పరిశీలకులు డిపిఓ వెంకటరామన్‌ అధికారలతో కలసి లెక్కింపు కేంద్రాన్ని పరిశీలించారు. కౌంటింగ్ కేంద్రంలో ఓట్ల లెక్కింపు సజావుగా నిర్వహించేందుకు అవసరమైన అన్ని చర్యలు చేపట్టినట్లు వెల్లడించారు. నియోజకవర్గంలో మొత్తం 5 జెడ్పీటీసీ స్థానాలు ఉండగా ఒకటి స్థానం ఏకగ్రీవం కాగ మిగిలిన 4 స్థానాలకు అభ్యర్థులు పోటీలో ఉన్నారని తెలిపారు. అదే విధంగా ఎంపీటీసీ స్థానాలకు గూడూరులోని ఎస్‌వీ ఆర్ట్స్ అండ్ డిగ్రీ కళాశాలలో రాపూరు, సైదాపురం, గూడూరు, చిల్లకూరు, కోట మండలాల ఓట్ల లెక్కింపు చేపట్టనున్నట్లు తెలిపారు. వాకాడు, చిట్టమూరు మండలాలకు నాయుడుపేటలో కౌంటింగ్ ప్రక్రియ నిర్వహిస్తునట్లు తెలిపారు. కౌంటింగ్ కేంద్రాల వద్ద ఎలాంటి అవాంఛనీయ సంఘటనలు చోటుచేసుకోకుండా పటిష్టమైన పోలీసు బందోబస్తు ఏర్పాటు చేసినట్లు పేర్కొన్నారు. ఎన్నికల కౌంటింగ్ విధుల కోసం మొత్తం నలుగురు సిఐలు, 8 మంది ఎస్‌ఐలు, 112 మంది పోలీసు సిబ్బందిని నియమించామని పేర్కొన్నారు. డీఎస్పీ నరసింహమూర్తి ఆద్వర్యంలో ప్రత్యేక చర్యలు చేపట్టారు. కౌంటింగ్ ప్రక్రియను పారదర్శకంగా, ప్రశాంత వాతావరణంలో, ఎన్నికల నిబంధనలకు అనుగుణంగా నిర్వహించేందుకు అన్ని శాఖల అధికారులు సమన్వయంతో పనిచేయాలని సూచించారు. పరిశీలనలో ఆర్‌ఓలు ఐదు మంది ఇతర అధికారులు సిబ్బంది పాల్గొన్నారు.