శ్రీ మూలస్థానేశ్వరాలయంలో ప్రదోషకాల పూజ

నెల్లూరు, కల్చరల్, మేజర్ న్యూస్   :     నెల్లూరు మూలాపేటలోని శ్రీ భువనేశ్వరి సమేత శ్రీ మూలస్థానేశ్వర స్వామి దేవస్థానంలో త్రయోదశి పర్వదినాన్ని పురస్కరించుకుని శుక్రవారం ప్రదోషకాల పూజలు అత్యంత వైభవంగా జరిగాయి. ఈ సందర్భంగా ప్రదోష వేళ శ్రీ నందీశ్వర స్వామికి, మూలవిరాట్ శ్రీ మూలస్థానేశ్వర స్వామి వారికి వేదపండితులు విశేష సుగంధ ద్రవ్యాలు, పంచామృతాలతో శాస్త్రోక్తంగా ప్రత్యేక అభిషేకాలు నిర్వహించారు.  అనంతరం సాయంత్రం వివిధ రకాల పుష్పాలతో సర్వాంగ సుందరంగా అలంకరించిన ఉత్సవమూర్తులను చిన్న వెండి నంది వాహనంపై అధిష్టింపజేశారు.  భక్తులు అధిక సంఖ్యలో పాల్గొని కర్పూర హారతులు సమర్పించి, స్వామివారిని దర్శించుకుని తీర్థప్రసాదాలు స్వీకరించారు.ఈ ఉత్సవానికి నెల్లూరు వాస్తవ్యులు పత్తి రాజేష్ ఉభయకర్తగా వ్యవహరించారు. ఈ కార్యక్రమం ఆలయ ఛైర్మన్ అజయ్, సహాయ కమిషనర్, కార్యనిర్వహణాధికారి అర్వభూమి వెంకట శ్రీనివాసులు రెడ్డి, ధర్మకర్త మండలి సభ్యులు ప్రత్యేక ఏర్పాట్లను పర్యవేక్షించారు.