telangana
శనిత్రయోదశి సందర్భంగా ఎన్కతల శనేశ్వర ఆలయంలో ప్రత్యేక పూజలు
మోమిన్‌పేట, మేజర్ న్యూస్: శనిత్రయోదశి పర్వదినాన్ని పురస్కరించుకుని మోమిన్‌పేట మండల పరిధిలోని ఎన్కతల గ్రామంలో వెలసిన శ్రీ శనేశ్వర స్వామి ఆలయంలో శనివారం ప్రత్యేక పూజలు, అభిషేకాలు నిర్వహించేందుకు ఆలయ అధికారులు అన్ని ఏర్పాట్లు పూర్తి చేశారు. ఈ విషయాన్ని ఆలయ ఈవో నరేందర్ తెలిపారు. శనిత్రయోదశి సందర్భంగా స్వామివారిని దర్శించుకునేందుకు భక్తులు పెద్ద సంఖ్యలో తరలిరానున్న నేపథ్యంలో ప్రత్యేక ఏర్పాట్లు చేసినట్లు వెల్లడించారు.శనిత్రయోదశి రోజున శనిదేవుడిని దర్శించుకుని ప్రత్యేక పూజలు, అభిషేకాలు నిర్వహిస్తే శని దోషాల నుంచి ఉపశమనం కలుగుతుందని భక్తుల ప్రగాఢ విశ్వాసం. దీంతో ఎన్కతలతో పాటు పరిసర గ్రామాల నుంచే కాకుండా వివిధ ప్రాంతాల నుంచి భక్తులు ఆలయానికి చేరుకుని స్వామివారిని దర్శించుకుని మొక్కులు చెల్లించుకోనున్నారు.భక్తులకు ఎలాంటి ఇబ్బందులు కలగకుండా దర్శనం, పూజల నిర్వహణకు అవసరమైన ఏర్పాట్లు పూర్తి చేసినట్లు ఈవో నరేందర్ తెలిపారు. భక్తులు క్రమశిక్షణతో పూజా కార్యక్రమాల్లో పాల్గొని స్వామివారి కృపకు పాత్రులు కావాలని కోరారు.
