శంభన్ వీదిలో ..... టిడిపి శ్రేణులు విస్తృత ప్రచారం.

ముత్తుకూరు,  మేజర్ న్యూస్ :   కృష్ణపట్నం ఎంపీటీసీ స్థానం బిట్-1 తెలుగుదేశం పార్టీ అభ్యర్థి గూడలి రేవతి ఆదివారం శంభన్ వీదిలో స్థానిక సంస్థల ఎన్నికల ప్రచారాన్ని నిర్వహించారు. కరపత్రం చేత పట్టుకుని ప్రతి ఇంటి గడప తొక్కి మహిళలను ఆప్యాయతగా పలకరిస్తూ సర్వేపల్లి శాసనసభ్యులు సోమిరెడ్డి చంద్రమోహన్ రెడ్డి పరిపాలనలో కూటమి ప్రభుత్వం ద్వారా చేపట్టిన అభివృద్ధి పనులతో సంక్షేమాన్ని తెలియజేస్తూ సైకిల్ గుర్తుకు ఓటు వేయాలంటూ విజ్ఞప్తి చేశారు. వందలాది మంది జనం ఎన్నికల ప్రచారంలో భాగస్వామ్యం వహించినారు. పార్టీ అనుబంధ సంఘాలతో పాటు కార్యకర్తలు అధిక సంఖ్యలో ఉన్నారు. పసుపు జెండాలు చేత పట్టుకొని జై తెలుగుదేశం జై జై తెలుగుదేశం అంటూ నినాదాలు చేస్తూ సైకిల్ గుర్తుకే మీ ఓటు అంటూ ప్రచారాన్ని విస్తృతంగా నిర్వహించారు. ప్రతి ఇంటి వద్ద ఎంపీటీసీ అభ్యర్థి రేవతికి గెలుపు భరోసా కల్పించినారు. ఇంటింటి ప్రచారంలో కరపత్రం ఇవ్వడం బ్యాలెట్ నమూనా చూపెట్టి ఓటు వేసే విధానంపై ఓటర్లకు వివరించారు. ఎన్నికల ప్రచార పాటలతో ఆ వీధి కళకళలాడింది. సైకిల్ వైపు ఓటర్లు చూస్తున్నారు అనేదానికి నిదర్శనంగా ఎన్నికల ప్రచారంలో పెద్ద ఎత్తున పాల్గొన్న కార్యకర్తలు, నాయకులు హాజరయ్యారు. భారతీయ జనతా పార్టీ, జన సైనికులు కూడా ప్రచారంలో ఉన్నారు. ఈ కార్యక్రమంలో శంభన్ వీది గ్రామస్తులు వాకాటి సుబ్బయ్య, రాగాల సురేష్ ,యువత, మండల తెలుగు యువత అధ్యక్షుడు రాగాల శివకృష్ణ, కృష్ణపట్నం ఆలయాల చైర్మన్ మామిడాల శ్రీనివాసులు, కృష్ణపట్నం సొసైటీ డైరెక్టర్ గూడలి మధుసూదన్ రావు శర్మ, మాజీ ఎంపీటీసీ సభ్యులు కారంచేటి శివరామ ప్రసాద్ శర్మ , కరణాల వీధి టిడిపి నాయకులు తొండమనాటి వెంకటాద్రి, పెద్దపాలెం హరి ప్రసాద్, పెద్దపాలెం సురేష్ బాబు, పెద్దపాలెం రాజ , కంద స్వామి, తొండమనాటి పుల్లయ్య, కాపు నాయకులు పసుపులేటి గోవిందయ్య, యాదవ సంఘం నాయకులు కట్టా గోపి , గ్రామస్తులు తదితరులు పాల్గొన్నారు.