షేర్ మొహమ్మద్ పేట సెగ్మెంట్ 2లో ముగిసిన పోలింగ్

షేర్ మొహమ్మద్ పేటలో ప్రశాంతంగా ముగిసిన పోలింగ్.. 77.81 శాతం ఓటింగ్ నమోదు

జగ్గయ్యపేట రూరల్, నవంబర్ 5:

ఎన్టీఆర్ జిల్లా జగ్గయ్యపేట మండలం షేర్ మొహమ్మద్ పేట గ్రామంలో ఎంపీటీసీ సెగ్మెంట్-2 పరిధిలో పోలింగ్ ప్రక్రియ ప్రశాంతంగా ముగిసింది. గ్రామంలోని 15, 16, 17 పోలింగ్ బూత్‌లలో ఓటర్లు తమ ఓటు హక్కును స్వేచ్ఛగా, నిర్భయంగా వినియోగించుకున్నారు.

ఈ పోలింగ్ ప్రక్రియలో మొత్తం 77.81 శాతం ఓటింగ్ నమోదైనట్లు అధికారులు వెల్లడించారు. ఎలాంటి అవాంఛనీయ సంఘటనలు చోటుచేసుకోకుండా పోలింగ్ ప్రశాంత వాతావరణంలో సాగింది.

పోలింగ్ నిర్వహణకు సంబంధించి వీఆర్వో కె. నాగభూషణం, సచివాలయం-2 కార్యదర్శి సంధ్య (బీఎల్ఓ), ఇంజినీరింగ్ అసిస్టెంట్ నరసింహ (బీఎల్ఓ) వివరాలు వెల్లడించారు. ఓటర్లు పెద్ద సంఖ్యలో తరలివచ్చి ప్రజాస్వామ్య ప్రక్రియలో భాగస్వాములయ్యారు.

మొత్తంగా షేర్ మొహమ్మద్ పేటలో సెగ్మెంట్-2 పోలింగ్ ప్రశాంతంగా ముగియడంతో అధికారులు ఊపిరి పీల్చుకున్నారు.

రిపోర్టర్ :-శివారెడ్డి జగ్గయ్యపేట రూరల్ ఎన్టీఆర్ జిల్లా