శనేశ్వరుడికి భక్తులు తైలాభిషేకాలు

మండల పరిధిలోని మందపల్లి గ్రామంలో వేంచేసిన శ్రీ మందేశ్వర (శనేశ్వర) స్వామివారి దేవస్థానంలో భక్తుల సందడి నెలకొంది.శనివారం సందర్భంగా తెల్లవారుజాము నుంచే వివిధ ప్రాంతాల నుంచి భక్తులు ఆలయానికి తరలివచ్చారు.ప్రాతఃకాల అర్చనలు,ప్రత్యేక పూజల అనంతరం భక్తులు స్వామివారికి తైలాభిషేకాలు నిర్వహించి,సర్వదర్శనం చేసుకున్నారు.ఆలయంలో భక్తుల రద్దీ పెరగడంతో ఎలాంటి ఇబ్బందులు తలెత్తకుండా ఆలయ అధికారులు ప్రత్యేక ఏర్పాట్లు చేశారు.ఆలయ సహాయకమిషనర్,కార్యనిర్వహణాధికారి దారపురెడ్డి సురేష్‌బాబు ఆధ్వర్యంలో భక్తులకు అవసరమైన సౌకర్యాలు కల్పించారు.భక్తుల రాకపోకలు,దర్శనం, తైలాభిషేకాల నిర్వహణలో సిబ్బంది తగిన జాగ్రత్తలు తీసుకున్నారు.వివిధ సేవలు,తైలాభిషేకాల ద్వారా స్వామివారికి రూ.2,18,957 ఆదాయం సమకూరినట్లు ఈవో సురేష్‌బాబు తెలిపారు.