శబరిమలకు యువకుడి సైకిల్ యాత్ర
.... 1,514 కిలోమీటర్ల దూరం 20 రోజుల ప్రయాణం...
చీపురుపల్లి మేజర్ న్యూస్: చీపురుపల్లి మండలానికి చెందిన కొట్టేడా హరికృష్ణ (24) యువకుడు చీపురుపల్లి నుండి శబరిమలకు 1,514 కిలోమీటర్ల దూరాన్ని 20 రోజుల వ్యవధిలో సైకిల్ యాత్రను సాగించేందుకు బుధవారం పయనమయ్యాడు. స్థానిక గ్రామ దేవత శ్రీ కనకమహాలక్ష్మి అమ్మవారి ఆలయం నుండి ప్రయాణం ప్రారంభించాడు. యువకుడి సాహస యాత్రకు చీపురుపల్లి పరిసర గ్రామాల అయ్యప్ప స్వామి భక్తులంతా ఊరేగింపుగా సాగనంపి సైకిల్ యాత్ర విజయవంతం సాగించాలని ఆకాంక్షించారు. చీపురుపల్లి నుండి కేరళ రాష్ట్రంలో శబరిమల వరకు సుమారు 20 రోజులపాటు ఈ సైకిల్ యాత్ర కొనసాగుతుందని హరికృష్ణ విలేకరులకు వివరించారు. సైకిల్ యాత్రను ఒంటరిగా పూర్తి చేయాలన్న సంకల్పంతో యాత్రను ప్రారంభించి అయ్యప్ప స్వామి ఆశీస్సులతో పూర్తి చేసి చీపురుపల్లి చేరుకుంటాననే ఆత్మస్థైర్యంతో యువకుడు యాత్రను ప్రారంభించాడు.
రిపోర్టర్ మధు, చీపురుపల్లి విజయనగరం జిల్లా