BREAKING
అమెరికా కాంగ్రెస్‌లో కీలక శక్తి అనుమతుల సంస్కరణ బిల్లు పొగాకు పంపిణీ గుత్తపతకం రద్దుకు ప్రణాళికలు ప్రభుత్వ సిసి తో ఆర్టీసీ ఎండీ డాక్టర్ అనిల్ గ్లోబల్ సిమెంట్ పరిశ్రమలో కార్బన్ ఉద్గారాల కోతకు తీవ్ర కసరత్తు శబరిమలకు యువకుడి సైకిల్ యాత్ర డిజిటల్ రేషన్ కార్డులు పంపిణీ ఉత్తమ గ్రంథాలయ అధికారిగా అవార్డు అందుకున్న సత్యం బాబుకు ఘన సన్మానం. రాకెట్ తయారీ సంస్థ 'అవియో' కొనుగోలుపై స్పందించని రోమ్ తాళ్ళపేట ప్రాథమిక ఆరోగ్య కేంద్రం తనిఖీ 19 నుంచి చేయూత పెన్షన్ డబ్బులు నేరుగా ఖాతాలోకి .. కలెక్టర్ గరిమ అగ్రవాల్, ఎమ్మెల్యే మేడిపల్లి బంగ్లాదేశ్‌లో షేక్ హసీనా రాకపై అల్లర్లు, మోహరించిన అర్ధసైనిక దళాలు ఓటరు జాబితాలో పేరు లేని వారికి మరో అవకాశం - డిసెంబర్ 22న తుది ఓటరు జాబితా ప్రచురణ - కలెక్టర్ రాజర్షి షా ‘ది ఏజ్ ఆఫ్ భారత్’ గేమ్ కోసం అన్నపూర్ణ స్టూడియోస్ కీలక భాగస్వామ్యం.. మోషన్ క్యాప్చర్ టెక్నాలజీతో సరికొత్త రికార్డు ఖేలో ఇండియా వేదికపై కరీంనగర్ క్రీడా వైభవం ఎస్ ఆర్ బాలికకు జాతీయ స్థాయిలో ఘనత

కలమట మద్దతుతో రాజారావు మాస్టారు నామినేషన్ కు భారీ జన సముద్రం.

Select Suryaa Now
కలమట మద్దతుతో  రాజారావు మాస్టారు నామినేషన్ కు భారీ జన సముద్రం.

 

పాతపట్నం మేజర్ న్యూస్:


పాతపట్నం మేజర్ గ్రామపంచాయతీ ఎన్నికల రాజకీయం రోజురోజుకూ ఆసక్తికరంగా మారుతోంది. అభ్యర్థుల ప్రచార హోరులో భాగంగా సర్పంచ్ అభ్యర్థి నల్లి రాజారావు బుధవారం భారీ జనసందోహం మధ్య తన నామినేషన్ పత్రాలను దాఖలు చేశారు. ఉదయం 11:15 గంటలకు నామినేషన్ కార్యక్రమం నిర్వహించారు. ఈ సందర్భంగా అచ్యుతాపురం నుంచి ఆల్ ఆంధ్రా రోడ్డు కూడలి వరకు భారీ ర్యాలీ చేపట్టారు. రాజారావు మాస్టారుకు మద్దతుగా పార్టీ శ్రేణులు, అభిమానులు, కార్యకర్తలు, స్థానిక ప్రజలు పెద్ద సంఖ్యలో తరలిరావడంతో పాతపట్నం ప్రధాన రహదారి జనసందోహంతో కిక్కిరిసింది. నినాదాలతో పురవీధులు మార్మోగాయి. ర్యాలీలో మాజీ ఎమ్మెల్యే కలమట వెంకటరమణ పాల్గొనడం ప్రత్యేక ఆకర్షణగా నిలిచింది. ఆయన అభ్యర్థి నల్లి రాజారావుకు తన మద్దతును ప్రకటించారు.

గ్రామాభివృద్ధే నా లక్ష్యం: నల్లి రాజారావు

నామినేషన్ దాఖలు అనంతరం నల్లి రాజారావు మాస్టారు మాట్లాడుతూ.. పాతపట్నం గ్రామ సమగ్ర అభివృద్ధి, ప్రజా సంక్షేమమే తన ప్రధాన లక్ష్యాలని స్పష్టం చేశారు. ప్రజలకు ఎలాంటి సమస్యలు, అవసరాలు ఎదురైనా తాను ఎల్లప్పుడూ అందుబాటులో ఉంటానని, అర్ధరాత్రి వేళలోనైనా తన ఇంటి తలుపులు ప్రజల కోసం తెరిచే ఉంటాయని పేర్కొన్నారు. ప్రజల సమస్యల పరిష్కారానికి నిరంతరం కృషి చేస్తానని, ప్రజల ఆశీస్సులతో విజయం సాధించి పాతపట్నాన్ని అన్ని రంగాల్లో ఆదర్శ గ్రామంగా తీర్చిదిద్దేందుకు కృషి చేస్తానని తెలిపారు. మాజీ ఎమ్మెల్యే కలమట వెంకటరమణ మద్దతుతో పాటు స్థానిక ప్రజలు చూపిస్తున్న ఆదరణ తనకు మరింత ఉత్సాహాన్ని ఇస్తోందని అన్నారు. ఈ నామినేషన్ కార్యక్రమంలో స్థానిక నాయకులు, వివిధ వార్డులకు చెందిన సభ్యులు, యువత, మహిళలు పెద్ద సంఖ్యలో పాల్గొని నల్లి రాజారావుకు సంఘీభావం తెలిపారు. భారీ ర్యాలీ, జనసమీకరణతో పాతపట్నం పంచాయతీ ఎన్నికల సందడి మరింత పెరిగింది..

సూర్య ప్రతినిధి ,పాతపట్నం.