సర్పంచ్ ఎన్నికలకు వైసీపీ శ్రేణులు సమయాత్తం కావాలి..

కంబదూర :- రానున్న గ్రామ పంచాయతీ సర్పంచ్ ఎన్నికలను దృష్టిలో ఉంచుకుని వైఎస్సార్ కాంగ్రెస్ పార్టీ శ్రేణులను సమాయత్తం చేసే దిశగా కళ్యాణదుర్గం నియోజకవర్గ సమన్వయకర్త డాక్టర్ తలారి రంగయ్య క్షేత్రస్థాయి పర్యటన చేపట్టారు. ఇందులో భాగంగా రాంపురం పంచాయతీ పరిధిలోని వైసీపీ పల్లి గ్రామంలో ఆయన పర్యటించి పార్టీ నాయకులు, కార్యకర్తలు, స్థానిక శ్రేణులతో సమావేశమయ్యారు. గ్రామానికి చేరుకున్న ఆయనకు పార్టీ నాయకులు, కార్యకర్తలు ఆత్మీయంగా స్వాగతం పలికారు. అనంతరం గ్రామంలోని పార్టీ పరిస్థితులు, స్థానిక రాజకీయ పరిణామాలు, రానున్న సర్పంచ్ ఎన్నికలకు సంబంధించిన అంశాలపై వారితో చర్చించారు. ఎన్నికల నేపథ్యంలో గ్రామస్థాయిలో పార్టీని మరింత బలోపేతం చేయాల్సిన అవసరాన్ని వివరించారు. ఈ సందర్భంగా డాక్టర్ తలారి రంగయ్య మాట్లాడుతూ గ్రామ పంచాయతీ ఎన్నికలు స్థానిక ప్రజల సమస్యలు, గ్రామాభివృద్ధి, ప్రజాప్రతినిధుల బాధ్యతలకు సంబంధించిన కీలకమైన ఎన్నికలని పేర్కొన్నారు. ప్రతి గ్రామంలో పార్టీ నాయకులు, కార్యకర్తలు సమన్వయంతో పనిచేస్తూ ప్రజలకు అందుబాటులో ఉండాలని సూచించారు. గ్రామంలోని ప్రజల అభిప్రాయాలను తెలుసుకుంటూ, వారి సమస్యలను గుర్తించి పరిష్కారానికి కృషి చేయాలని తెలిపారు. ఎన్నికల సమయంలో వ్యక్తిగత విభేదాలకు తావివ్వకుండా పార్టీ శ్రేణులందరూ ఐక్యంగా ముందుకు సాగాలని పిలుపునిచ్చారు. సర్పంచ్ ఎన్నికలకు సంబంధించి గ్రామస్థాయిలో అనుసరించాల్సిన కార్యాచరణ, నాయకులు, కార్యకర్తల పాత్ర, పార్టీ శ్రేణుల మధ్య సమన్వయం వంటి అంశాలను సమావేశంలో చర్చించారు. గ్రామంలో పార్టీకి ఉన్న ప్రజా మద్దతును మరింత పెంపొందించుకునేందుకు ప్రతి కార్యకర్త బాధ్యతాయుతంగా వ్యవహరించాలని సూచించారు. ప్రజలతో నిరంతరం సంబంధాలు కొనసాగిస్తూ వారి విశ్వాసాన్ని పొందేందుకు కృషి చేయాలని తెలిపారు. ఎన్నికల షెడ్యూల్, ఎన్నికల సంఘం నిబంధనలకు అనుగుణంగా పార్టీ నాయకులు, కార్యకర్తలు వ్యవహరించాలని సూచించారు. అలాగే గ్రామంలోని పార్టీ నాయకులు, కార్యకర్తల అభిప్రాయాలను అడిగి తెలుసుకున్నారు. స్థానికంగా ఎదురవుతున్న సమస్యలు, పార్టీ బలోపేతానికి తీసుకోవాల్సిన చర్యలపై వారితో చర్చించారు. ప్రతి ఒక్కరినీ కలుపుకొని ముందుకు వెళ్లడం ద్వారా గ్రామస్థాయిలో పార్టీకి మరింత బలం చేకూరుతుందని పేర్కొన్నారు. నాయకులు, కార్యకర్తలు పరస్పర సహకారంతో పనిచేస్తూ రానున్న ఎన్నికలకు సిద్ధం కావాలని పిలుపునిచ్చారు. ఈ పర్యటనతో వైసీపీ పల్లి గ్రామంలో పార్టీ శ్రేణుల్లో ఎన్నికల సన్నద్ధతపై చర్చకు ప్రాధాన్యత ఏర్పడింది. ఈ కార్యక్రమంలో రాంపురం పంచాయతీ పరిధికి చెందిన వైఎస్సార్ కాంగ్రెస్ పార్టీ నాయకులు, కార్యకర్తలు, స్థానిక పార్టీ శ్రేణులు పాల్గొన్నారు.
కళ్యాణదుర్గం టౌన్ రిపోర్టర్ :- బోయ రంగస్వామి.