బెంగళూరులో ప్రముఖులతో శ్రీరామ్ చినబాబు ప్రత్యేక భేటీ : తంగాల వేణుగోపాల్‌,రఘురామ కృష్ణమరాజు,గురజాల జగన్మోహన్ లతో ఆత్మీయ సమావేశం
మదనపల్లె రూరల్,మేజర్ న్యూస్ : మదనపల్లె మున్సిపల్ చైర్మన్‌గా గుండ్లపల్లి శ్రీరామ్ చినబాబు ఘనవిజయం సాధించిన నేపథ్యంలో బెంగళూరులో పలువురు ప్రముఖులను మర్యాదపూర్వకంగా కలిశారు.ఈ సందర్భంగా ఎస్‌బీఆర్ గ్రూప్స్ అధినేత తంగాల వేణుగోపాల్‌,ఆంధ్రప్రదేశ్ శాసనసభ డిప్యూటీ స్పీకర్ రఘురామ కృష్ణమరాజు,చిత్తూరు ఎమ్మెల్యే గురజాల జగన్మోహన్ లను శ్రీరామ్ చినబాబు ప్రత్యేకంగా కలిసి మాట్లాడారు.మదనపల్లె మున్సిపల్ ఎన్నికల్లో కూటమి అభ్యర్థిగా విజయం సాధించి మున్సిపల్ చైర్మన్ బాధ్యతలు చేపట్టిన శ్రీరామ్ చినబాబు బెంగళూరులో ప్రముఖులను కలవడం ప్రాధాన్యత సంతరించుకుంది.ఈ సందర్భంగా తన విజయానికి సంబంధించిన వివరాలను,మదనపల్లె రాజకీయ పరిణామాలను,పట్టణ అభివృద్ధికి సంబంధించిన అంశాలను వారితో పంచుకున్నట్లు తెలిసింది.ఈ మర్యాదపూర్వక భేటీలో శ్రీరామ్ చినబాబుతోపాటు బోయపాటి శేఖర్,శ్రీకాంత్ వారి మిత్రులు పాల్గొన్నారు.ప్రముఖులతో జరిగిన ఈ సమావేశం ఆత్మీయ వాతావరణంలో కొనసాగింది.
రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి
