సచివాలయ ఉద్యోగుల డిమాండ్లు నెరవేర్చాలి

* వైఎస్ఆర్‌సీపీ కార్మిక విభాగం రాష్ట్ర అధికార ప్రతినిధి ధవళ

నెల్లిమర్ల, సెప్టెంబర్‌ 28;

​సచివాలయ ఉద్యోగుల న్యాయమైన డిమాండ్లను ప్రభుత్వం తక్షణమే పరిష్కరించాలని వైఎస్ఆర్‌సీపీ కార్మిక విభాగం రాష్ట్ర అధికార ప్రతినిధి ధవళ లక్ష్మణరావు డిమాండ్ చేశారు. ఉద్యోగులు శాంతియుతంగా చేస్తున్న ఆందోళనలను అణచివేయాలని చూడటం ప్రజాస్వామ్య స్ఫూర్తికి విరుద్ధమని ఆయన విమర్శించారు.
​ప్రజలకు సంక్షేమ పథకాలను చేరవేయడంలో సచివాలయ ఉద్యోగుల పాత్ర కీలకమని గుర్తుచేశారు.
​ఎన్నికల సమయంలో కూటమి నాయకులు ఇచ్చిన హామీలనే ఉద్యోగులు అమలు చేయాలని కోరుతున్నారని తెలిపారు.
​సోషల్ మీడియా ప్రచారాలకు నిధులు కేటాయిస్తున్న ప్రభుత్వానికి, ఉద్యోగుల సమస్యలు పరిష్కరించడానికి నిధులు లేవా అని ప్రశ్నించారు.
​ఉద్యోగుల సమస్యలను చర్చల ద్వారా పరిష్కరించాలని, వారి పోరాటానికి వైఎస్ఆర్‌సీపీ కార్మిక విభాగం సంపూర్ణ మద్దతు ఇస్తుందని స్పష్టం చేశారు.