రైతులను ప్రభుత్వం వెంటనే ఆదుకోవాలి కడప ఎంపీ వైఎస్ అవినాష్ రెడ్డి

రైతులను ప్రభుత్వం వెంటనే ఆదుకోవాలి

- కడప ఎంపీ వైఎస్ అవినాష్ రెడ్డి

- వందల ఎకరాల్లో దెబ్బతిన్న అరటి పంటలు పరిశీలన

వేంపల్లె మేజర్ న్యూస్:;ఈదురు గాలులు, వడగండ్ల వానకి  నెలమట్టమైన అరటితో పాటు ఆయా పంటలు సాగు చేసిన రైతులను రాష్ట్ర ప్రభుత్వం వెంటనే ఆదుకోవాలని కడప ఎంపీ వైఎస్ అవినాష్ రెడ్డి కోరారు. శుక్రవారం మండలంలోని బక్కనగారిపల్లి, వెలమవారిపల్లి, కుప్పాలపల్లి, తాళ్లపల్లి గ్రామాల్లోని అరటి పంటలను ఎంపి వైఎస్ అవినాష్ రెడ్డి పరిశీలించారు. అనంతరం పంట నష్టపోయిన రైతులతో మాట్లాడి భరోసానిచ్చారు. ఎకరాకు సుమారు రూ. 1.50 లక్ష నుంచి రూ. 2 లక్షల వరకు అరటికి పెట్టుబడి పెట్టామని, అకాల ఈదురు గాలులు, వడగండ్ల వానకి తమ పంట పూర్తిగా నెలమట్టమై భారీ నష్టం వాటిల్లిందని రైతులు ఆవేదన వ్యక్తం చేశారు. మరో వారంలో పంట విక్రయించే సమయంలో బుధవారం సాయంత్రం వీచిన ఈదురు గాలులు, వడగండ్ల వానకి సూమారు వందల ఎకరాల్లో అరటి పంటకు నష్టం వాటిల్లిందని, దీంతో తమకు న్యాయం చేయాలని రైతులు వేడుకున్నారు. ప్రభుత్వం నష్టపోయిన రైతులకు ప్రతి ఎకరాకు కనీసం రూ.50 వేలు నష్టపరిహారం చెల్లించాలని ఎంపి వైఎస్ అవినాష్ రెడ్డి డిమాండ్ చేశారు. అలాగే పంటబీమా, ఇన్పుట్ సబ్సిడీని ఆలస్యం చేయకుండా పంట నష్టపోయిన రైతులకు అందించి ఆదుకోవాలని కోరారు. ఎంపి వైఎస్ అవినాష్ రెడ్డితో పాటు వైసిపి నాయకులు రవికుమార్ రెడ్డి, చంద్రఓబుల్ రెడ్డి తదితరులు పాల్గొన్నారు.