రాత్రి వేళల్లో అసాంఘిక కార్యకలాపాలపై ప్రత్యేక నిఘా : ఎస్ ఐ

చీపురుపల్లి మేజర్ న్యూస్: 

పోలీస్ స్టేషన్ పరిధిలో రాత్రి వేళల్లో అసాంఘిక కార్యకలాపాలకు పాల్పడే వ్యక్తులపై ప్రత్యేక నిఘా ఏర్పాటు చేస్తున్నట్లు ఎస్ ఐ ఉమా వెంకటేశ్వరరావు తెలిపారు. రాత్రి సమయాల్లో అసాంఘిక కార్యకలాపాలకు నిలయంగా మారుతున్న ప్రాంతాలను గుర్తించి, ఆయా ప్రాంతాలపై నిరంతరం నిఘా ఉంచామన్నారు. అనుమానాస్పద వ్యక్తుల కదలికలను నిశితంగా గమనిస్తూ, శాంతిభద్రతలకు విఘాతం కలిగించే చర్యలకు పాల్పడే వారిపై చట్టప్రకారం కఠిన చర్యలు తీసుకుంటామని హెచ్చరించారు. ప్రజలకు ఇబ్బందులు కలిగించే విధంగా ప్రవర్తించడం, అసాంఘిక కార్యకలాపాలకు పాల్పడడం వంటి చర్యలను ఎట్టి పరిస్థితుల్లోనూ ఉపేక్షించబోమని స్పష్టం చేశారు. చట్టాన్ని ఉల్లంఘించే వ్యక్తులు ఎంతటి వారైనా చట్టం ముందు బాధ్యత వహించాల్సిందేనని, నేరాలకు పాల్పడే వారు పోలీసుల నిఘా నుంచి తప్పించుకోలేరని హెచ్చరించారు. ప్రజలు తమ పరిసరాల్లో అనుమానాస్పద వ్యక్తులు,  అసాంఘిక కార్యకలాపాలను గుర్తించినట్లయితే వెంటనే పోలీసులకు సమాచారం అందించాలని, శాంతిభద్రతల పరిరక్షణలో పోలీసులకు సహకరించాలని ఆయన  కోరారు.

మధు, చీపురుపల్లి విజయనగరం జిల్లా