చల్లూరులో దుర్గామాతకు విప్ బీర్ల ప్రత్యేక పూజలు

భవానీ మాలధారుల ఆహ్వానం మేరకు హాజరు అమ్మవారిని దర్శించుకుని అన్నప్రసాద వితరణ

రాజపేట:రాజపేట మండలం చల్లూరు గ్రామంలో నిర్వహించిన దుర్గామాత నవరాత్రి ఉత్సవాల్లో ప్రభుత్వ విప్‌, ఆలేరు ఎమ్మెల్యే బీర్ల అయిలయ్య సతీసమేతంగా పాల్గొన్నారు. కాంగ్రెస్‌ సీనియర్‌ నాయకుడు దిడ్డిగా రమేష్‌, భవానీ మాలధారుల ఆహ్వానం మేరకు బీర్ల ఫౌండేషన్‌ చైర్మన్‌ అనితతో కలిసి కార్యక్రమానికి హాజరయ్యారు.తొలుత శివాలయంలో ప్రత్యేక పూజలు నిర్వహించి, అనంతరం దుర్గామాత మండపంలో అమ్మవారి ఆశీస్సులు పొందారు. తొమ్మిదో రోజు ఉత్సవాల సందర్భంగా భక్తులకు అన్నప్రసాదం పంపిణీ చేశారు. ఈ కార్యక్రమంలో ఆలేరు మున్సిపల్‌ చైర్‌పర్సన్‌ బీజని బాలమణి భాస్కర్‌,పీఏసీఎస్ చైర్మన్ మహేందర్ గౌడ్,గ్రామ సర్పంచ్‌ భీమగాని రూప బాల్ నరసయ్య మరియు ఏఎంసీ డైరెక్టర్లు,పీఏసీఎస్ డైరెక్టర్లు,ఆత్మ కమిటీ, కాంగ్రెస్‌ నాయకులు, కార్యకర్తలు, భవానీ మాలధారులు, గ్రామస్థులు పాల్గొన్నారు.