నగరం గ్రామంలో ఇందిరమ్మ ఇళ్లకు భూమిపూజ

రామాయంపేట;నిజాంపేటమండల పరిధిలోని నగరం గ్రామంలో ఇందిరమ్మ ఇళ్ల పథకంలో భాగంగా గుడిసెల్లో నివసిస్తున్న నిరుపేదలకు 16 ఇందిరమ్మ ఇళ్లు మంజూరయ్యాయి. ఈ సందర్భంగా లబ్ధిదారు గుగ్లోత్ సరోజ ఇంటి నిర్మాణానికి అధికారులు, ప్రజాప్రతినిధులు భూమిపూజ నిర్వహించి, అనంతరం ఇంటి నిర్మాణానికి మార్కింగ్ ఇచ్చారు.ఈ సందర్భంగా ఇన్‌చార్జి ఎంపీడీఓ ముజాహిద్ మాట్లాడుతూ, ఇందిరమ్మ ఇళ్లు మంజూరైన లబ్ధిదారులు త్వరగా నిర్మాణాలు పూర్తి చేసుకోవాలని సూచించారు. ప్రభుత్వం అందిస్తున్న ఈ అవకాశాన్ని సద్వినియోగం చేసుకోవాలని తెలిపారు.గ్రామ సర్పంచ్ అంతంపల్లి సుశీల మాట్లాడుతూ, గ్రామంలో గుడిసెల్లో నివసిస్తున్న వారికి ఇందిరమ్మ ఇళ్లు మంజూరు కావడం సంతోషకరమని అర్హులైన లబ్ధిదారులు ఇళ్ల నిర్మాణాలను త్వరగా పూర్తి చేసుకోవాలని సూచించారు.ఈ కార్యక్రమంలో సర్పంచ్ అంతంపల్లి సుశీల, గ్రామపంచాయతీ కార్యదర్శి మొహమ్మద్ ఆరీఫ్ హుస్సేన్, మాజీ ఎంపీటీసీ గుగ్లోత్ రవి, వార్డు సభ్యులు లక్ష్మణ్, కనకవ్వ, తదితరులు పాల్గొన్నారు.