ఘనంగా దుర్గా మాత హోమం

రామాయంపేట;నిజాంపేట మండల కేంద్రంలోని శ్రీ దుర్గామాత ఉత్సవ కమిటీ 22వ వార్షికోత్సవాల్లో భాగంగా తొమ్మిదో రోజు ఆదివారం అమ్మవారు మహిషాసుర మర్దిని అవతారంలో భక్తులకు దర్శనమిచ్చారు. ఈ సందర్భంగా ఉదయం ప్రత్యేక పూజల అనంతరం గ్రామ పురోహితులు వేలేటి లక్ష్మణ శాస్త్రి ఆధ్వర్యంలో దుర్గా హోమ కార్యక్రమాన్ని వైభవంగా నిర్వహించారు.ఈ సందర్భంగా వేలేటి లక్ష్మణ శాస్త్రి మాట్లాడుతూ.. ప్రతి సంవత్సరం దాతల సహకారంతో దుర్గా హోమ కార్యక్రమాన్ని నిర్వహిస్తున్నట్లు తెలిపారు. అమ్మవారి అనుగ్రహం గ్రామ ప్రజలందరిపై ఉండాలని ప్రార్థించినట్లు పేర్కొన్నారు.ఈ కార్యక్రమంలో దుర్గామాత ఉత్సవ కమిటీ అధ్యక్షుడు కొండేరి ప్రభాకర్, ఉపాధ్యక్షుడు జీడి చంద్రకాంత్ గౌడ్, కోశాధికారి నాగరాజు, లచ్చపేట రాములు గౌడ్, బజార్ స్వామి గౌడ్, నాయిని లక్ష్మణ్, చల్మేటి నాగరాజు, గ్రామ మహిళలు, భక్తులు తదితరులు పాల్గొన్నారు.