telangana
దసరా పండుగ ప్రతి ఇంటా సుఖసంతోషాలు నింపాలి : మాజీ చైర్మన్ బోయపల్లి కొండల్ రెడ్డి
ఘట్‌కేసర్ రూరల్, మేజర్ న్యూస్: మల్కాజిగిరి మున్సిపల్ కార్పొరేషన్ ఘట్‌కేసర్ సర్కిల్ పోచారం డివిజన్ ప్రజలకు మాజీ చైర్మన్ బోయపల్లి కొండల్ రెడ్డి విజయదశమి శుభాకాంక్షలు తెలిపారు. చెడుపై మంచి సాధించిన విజయానికి ప్రతీకగా నిలిచే దసరా పండుగ ప్రతి ఒక్కరి జీవితాల్లో కొత్త వెలుగులు నింపాలని ఆకాంక్షించారు. ప్రజలందరూ ఆయురారోగ్యాలు, సుఖసంతోషాలతో వర్ధిల్లాలని, ప్రతి కుటుంబంలో శాంతి, సౌభాగ్యం వెల్లివిరియాలని కోరారు. పండుగ స్ఫూర్తితో ప్రజల మధ్య ఐకమత్యం, సోదరభావం మరింత బలపడాలని, ప్రతి ఒక్కరూ అభివృద్ధి పథంలో ముందుకు సాగాలని ఆకాంక్షించారు. అమ్మవారి ఆశీస్సులతో డివిజన్ ప్రజలందరికీ మేలు జరగాలని, విజయదశమిని కుటుంబ సభ్యులతో కలిసి ఆనందోత్సాహాల మధ్య జరుపుకోవాలని బోయపల్లి కొండల్ రెడ్డి కోరారు.
