రాష్ట్రస్థాయి అథ్లెటిక్స్ పోటీలకు ఈనాడు లక్ష్య విద్యార్థుల ఎంపిక

ఎమ్మిగనూరు,సూర్య ప్రతినిధి, జిల్లాస్థాయి అథ్లెటిక్స్ పోటీల్లో ఈనాడు లక్ష్య అథ్లెటిక్స్ విద్యార్థులు అద్భుత ప్రతిభ కనబరిచి రాష్ట్రస్థాయి పోటీలకు ఎంపికయ్యారు. అక్టోబర్ 24న నిర్వహించిన అండర్-19 ఎస్‌జీఎఫ్ జిల్లా స్థాయి అథ్లెటిక్స్ ఎంపిక పోటీల్లో విద్యార్థులు పలు విభాగాల్లో ప్రతిభ చాటినట్లు కోచ్ వై. మల్లికార్జున తెలిపారు.
ఈనెల 14, 15 తేదీల్లో పశ్చిమగోదావరి జిల్లా పెదవేగిలో జరగనున్న రాష్ట్రస్థాయి అథ్లెటిక్స్ పోటీల్లో ఎంపికైన విద్యార్థులు పాల్గొననున్నారు. బాలుర విభాగంలో ఎం. చైతన్య 800 మీటర్ల పరుగు పందెంలో ప్రథమ స్థానం, నిఖిల్ సాయి 400 మీటర్లలో తృతీయ స్థానం, మాలిక్ భాష 200, 400 మీటర్ల పరుగు పందాల్లో తృతీయ స్థానాలు సాధించారు. ఎం. వినయ్ కుమార్ 200, 400 మీటర్ల విభాగాల్లో నాల్గవ స్థానాలు పొందారు.
బాలికల విభాగంలో బి.కె. లక్ష్మి 800, 1500 మీటర్ల పరుగు పందాల్లో ప్రథమ స్థానాలు సాధించగా, కె.బి. ఇందు 1500, 3000 మీటర్ల విభాగాల్లో ద్వితీయ స్థానాలు కైవసం చేసుకున్నారు.రాష్ట్రస్థాయి పోటీల్లోనూ ఇదే ఉత్సాహంతో రాణించి పతకాలు సాధించి జిల్లాకు, ఎమ్మిగనూరు పట్టణానికి, సంస్థకు మంచి పేరు తీసుకురావాలని కోచ్ వై. మల్లికార్జున విద్యార్థులను అభినందించి ప్రోత్సహించారు. ఈ కార్యక్రమంలో ఈనాడు లక్ష్య అథ్లెటిక్స్ కోచ్ వై. మల్లికార్జునతో పాటు పలువురు పాల్గొన్నారు.
*A. R. శరత్ కుమార్, సూర్య ప్రతినిధి, ఎమ్మిగనూరు, కర్నూలు జిల్లా.*