రాప్తాడు జిల్లా పరిషత్ హై స్కూల్లో విద్యార్థినిపై ఉన్మాది దాడి ఘటనలో తీవ్రంగా గాయపడిన విద్యార్థినికి మెరుగైన వైద్యం అందించాలి : జిల్లా కలెక్టర్ ఓ.ఆనంద్

అనంతపురం బ్యూరో మేజర్ న్యూస్ : రాప్తాడు జిల్లా పరిషత్ హై స్కూల్లో విద్యార్థినిపై ఉన్మాది దాడి ఘటనలో తీవ్రంగా గాయపడిన విద్యార్థినికి మెరుగైన వైద్యం అందించాలి అని జిల్లా కలెక్టర్ ఓ.ఆనంద్ రాప్తాడు మండల కేంద్రంలోని జిల్లా పరిషత్ హై స్కూల్లో విద్యార్థినిపై ఉన్మాది దాడి ఘటనలో తీవ్రంగా గాయపడిన విద్యార్థినికి అనంతపురము జిల్లా ప్రభుత్వ సర్వజన ఆసుపత్రి నందు స్పెషలిస్ట్ డాక్టర్లతో మెరుగైన వైద్యం అందిస్తుండగా, శనివారం జిల్లా ప్రభుత్వ సర్వజన ఆసుపత్రిలో చికిత్స పొందుతున్న విద్యార్థిని, వారి కుటుంబ సభ్యులను జిల్లా కలెక్టర్ ఓ.ఆనంద్ పరామర్శించారు. ఉన్మాది దాడి ఘటనలో తీవ్రంగా గాయపడిన విద్యార్థినికి మెరుగైన వైద్యం అందించాలన్నారు. మరింత మెరుగైన వైద్యం అందించేందుకు తరలించాల్సిన మేరకు అవసరమైన ఏర్పాట్లు చేయాలన్నారు. ఎప్పటికప్పుడు అమ్మాయి ఆరోగ్యంపై ఆరా తీస్తూ పర్యవేక్షణ చేస్తున్నారు. అనంతరం విద్యార్థిని తల్లిదండ్రులను జిల్లా కలెక్టర్ పరామర్శించారు. దాడి చేసిన నిందితుడిని ఖచ్చితంగా పట్టుకుని చట్టపరమైన చర్యలు తీసుకుంటామన్నారు. ఈ కార్యక్రమంలో జిల్లా ప్రభుత్వ సర్వజన ఆసుపత్రి సూపరింటెండెంట్ డా.మల్లేశ్వరి, అడ్మినిస్ట్రేటర్ మల్లికార్జున రెడ్డి, ఎన్టీఆర్ వైద్య సేవ జిల్లా కోఆర్డినేటర్ గంగాధర్ రెడ్డి, తదితరులు పాల్గొన్నారు.