ప్రశాంత వాతావరణంలో ఎన్నికలు నిర్వహించేందుకు కృషి చేయాలి : బాపట్ల డీఎస్పీ

పర్చూరు, మేజర్‌న్యూస్‌ : ఎం.పి.టి.సి, జడ్పీటీసీ ఎన్నికల నేపథ్యంలో బాపట్ల డీఎస్పీ సి.హెచ్‌ చంద్రమౌళి పర్చూరు పోలీస్ స్టేషన్ పరిధిలోని పోతుకట్ల , వీరన్నపాలెం, చెరుకూరు గ్రామాల్లో పర్యటించారు.  ఈ సందర్భంగా పోలింగ్ కేంద్రాలను ఆయన పరిశీలించారు. పోలింగ్ కేంద్రాల వద్ద చేపట్టాల్సిన భద్రతా ఏర్పాట్లను పరిశీలించి, ఎన్నికల విధుల నిర్వహణకు సంబంధించి పోలీసు సిబ్బందికి సూచనలు చేశారు. అనంతరం ఆయా గ్రామాల పెద్దలతో మాట్లాడి, ఎన్నికలను ప్రశాంత వాతావరణంలో నిర్వహించేందుకు ప్రతి ఒక్కరూ సహకరించాలని సూచించారు. గ్రామాల్లో ఎలాంటి అవాంఛనీయ సంఘటనలకు తావు లేకుండా చూడాలని, ఎన్నికల సమయంలో శాంతిభద్రతలకు విఘాతం కలిగించే చర్యలకు పాల్పడవద్దని తెలిపారు. ఎన్నికలకు సంబంధించి ఏవైనా సమస్యలు లేదా అనుమానాస్పద కార్యకలాపాలు గుర్తిస్తే వెంటనే పోలీసులకు సమాచారం అందించాలని కోరారు. ఆయన వెంట మార్టూరు సర్కిల్ ఇన్‌స్పెక్టర్  బి. నాగభూషణం, పర్చూరు ఎస్‌ఐ  పి. అంకమ్మరావు, పోలీసు సిబ్బంది ఉన్నారు.