మదనపల్లె,మేజర్ న్యూస్ : మదనపల్లె మున్సిపల్ ఎన్నికల్లో భాగంగా 3వ వార్డు వైఎస్సార్ కాంగ్రెస్ పార్టీ కౌన్సిలర్ అభ్యర్థినిగా షేక్ ముహమ్మద్ హనీఫ్ భార్య షేక్ రుక్సార్ సుల్తానా నామినేషన్ దాఖలు చేశారు.ఈ సందర్భంగా వార్డు ప్రజల ఆశీస్సులు,ఆదరాభిమానాలు కోరారు.తన నామినేషన్ ప్రక్రియ పూర్తిచేయడంలో సహకరించిన అధికారులందరికీ రుక్సార్ సుల్తానా కృతజ్ఞతలు తెలిపారు.అలాగే తనకు మద్దతుగా నిలుస్తున్న వార్డు ప్రజలకు,పెద్దలకు,పార్టీ నాయకులకు,కార్యకర్తలకు ధన్యవాదాలు తెలియజేశారు.ఈ సందర్భంగా ఆమె మాట్లాడుతూ 3వ వార్డులో ప్రజలు ఎదుర్కొంటున్న సమస్యల పరిష్కారానికి తనవంతు కృషి చేస్తానని హామీ ఇచ్చారు.వార్డులో తాగునీరు,డ్రైనేజీ వ్యవస్థ,రహదారులు తదితర మౌలిక సదుపాయాల అభివృద్ధికి ప్రాధాన్యతనిస్తానని తెలిపారు.ప్రజల నుంచి తన దృష్టికి వచ్చే ప్రతి సమస్యను పరిష్కరించేందుకు కృషి చేస్తానని పేర్కొన్నారు.ఎన్నికల సమయంలో మాత్రమే కాకుండా,ప్రతి రోజూ వార్డు ప్రజలకు అందుబాటులో ఉంటానని,ప్రజాసేవే తన ప్రధాన లక్ష్యమని స్పష్టం చేశారు.వార్డు అభివృద్ధి కోసం తన స్థాయికి మించి కష్టపడతానని,ప్రజల నమ్మకాన్ని నిలబెట్టుకునేందుకు నిరంతరం శ్రమిస్తానని తెలిపారు.ప్రజల ఆదరాభిమానాలు,పెద్దల ఆశీస్సులు,ప్రతి ఒక్కరి ప్రేమ తమ కుటుంబానికి ఎంతో విలువైనవని షేక్ ముహమ్మద్ హనీఫ్,షేక్ రుక్సార్ సుల్తానా పేర్కొన్నారు.3వ వార్డు అభివృద్ధి,ప్రజా సమస్యల పరిష్కారమే లక్ష్యంగా ముందుకు సాగుతున్నామని తెలిపారు.ఈ ఎన్నికల్లో తమకు మద్దతు తెలిపి,ఆశీర్వదించాలని 3వ వార్డు ప్రజలను వారు మనస్ఫూర్తిగా కోరారు.
రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి
