ప్రజాసేవే లక్ష్యంగా 26వ వార్డు టీడీపీ కౌన్సిలర్ అభ్యర్థిగా మెహనూర్ నామినేషన్

ప్రొద్దుటూరు మేజర్ న్యూస్ :  ప్రొద్దుటూరే దేవాలయం ప్రజలే దేవుళ్లు అనే భావనతో 2005 నుండి 2026 వరకు నిరంతరం ప్రజలకు సేవ చేయడంలోనే నాకు పరిపూర్ణ సంతృప్తి లభించింది అని మాజీ కౌన్సిలర్ నూరి స్పష్టం చేశారు. ఆదివారం 26వ వార్డు తెలుగుదేశం పార్టీ కౌన్సిలర్ అభ్యర్థిగా తన తమ్ముని భార్య మెహనూర్ నామినేషన్ వేస్తున్న సందర్భంగా దర్గా వద్ద ప్రత్యేక ప్రార్థనలు నిర్వహించారు. 26వ వార్డులోని నూరి కార్యాలయం నుండి కౌన్సిలర్ అభ్యర్థి మెహనూర్, మాజీ కౌన్సిలర్ నూరి, పార్టీ నాయకులు మరియు కార్యకర్తలతో కలిసి  బయలుదేరారు. మట్టి మసీదు వీధిలోని దర్గా వద్ద ప్రత్యేక పూజా కార్యక్రమాలు, ప్రార్థనలు నిర్వహించారు. అనంతరం నాయకులు, ప్రజల నడుమ నామినేషన్ పత్రాలు సమర్పించేందుకు మున్సిపల్ ఆఫీసుకు వెళ్లారు.

అఖండ విజయాన్ని అందించాలి.

తమ కుటుంబ సేవా నిబద్ధతను గుర్తించి మళ్లీ పోటీ చేసే అవకాశం కల్పించిన ఎమ్మెల్యే వరదరాజులు రెడ్డి కి నూరి కృతజ్ఞతలు తెలిపారు. వార్డు కౌన్సిలర్ అభ్యర్థి మెహనూర్ కు ఒక ఓటు, మున్సిపల్ చైర్మన్ అభ్యర్థిగా బరిలో ఉన్న ఎమ్మెల్యే సోదరుడు నంద్యాల రాఘవరెడ్డి కి ఒక ఓటు వేసి, ఇద్దరినీ అఖండ మెజార్టీతో గెలిపించాలని వార్డు ప్రజలను, అభిమానులను నూరి అభ్యర్థించారు.

• షేక్ మహమ్మద్ రఫీ ప్రొద్దుటూరు వైఎస్సార్ కడప జిల్లా