ప్రజా సమస్యలపై రాచమల్లు దంపతుల క్షేత్రస్థాయి పర్యటన… అధికారుల తీరుపై ఆగ్రహం

ప్రొద్దుటూరు మేజర్ న్యూస్: ప్రొద్దుటూరు పట్టణంలోని 26వ వార్డులో వైఎస్సార్‌సీపీ రాష్ట్ర అధికార ప్రతినిధి, మాజీ ఎమ్మెల్యే రాచమల్లు శివ ప్రసాద్ రెడ్డి, ఆయన సతీమణి మాజీ కౌన్సిలర్ రాచమల్లు రమాదేవి శుక్రవారం ఉదయం పర్యటించి స్థానిక ప్రజల సమస్యలను అడిగి తెలుసుకున్నారు. ఈ సందర్భంగా శాంతకుమారి వీధి, ఆకులోళ్ల వీధిలో నెలకొన్న పారిశుధ్య సమస్యలను స్థానిక ప్రజలు వారి దృష్టికి తీసుకువచ్చారు. గత రెండున్నరేళ్లుగా కాలువల్లో పేరుకుపోయిన వ్యర్థాలను తొలగించడంలో మున్సిపల్ అధికారులు నిర్లక్ష్యం వహించారని ప్రజలు ఆవేదన వ్యక్తం చేశారు. స్థానిక ఎన్నికలు సమీపిస్తున్నతరుణంలో  కాలువల శుభ్రతపై అధికారులకు హడావుడి మొదలైందా? రెండున్నరేళ్లుగా పట్టించుకోని సమస్య ఇప్పుడు మాత్రమే ఎందుకు గుర్తుకొచ్చింది? అంటూ స్థానికంగా చర్చ సాగుతోంది. ప్రజల సమస్యలను స్వయంగా తెలుసుకుంటూ, వాటి పరిష్కారం కోసం రాచమల్లు శివ ప్రసాద్ రెడ్డి, రాచమల్లు రమాదేవి క్షేత్రస్థాయిలో పర్యటించారు.

• షేక్ మహమ్మద్ రఫీ ప్రొద్దుటూరు వైఎస్సార్ కడప జిల్లా