telanagana
మూల నక్షత్ర వేడుకలకు పటిష్ట బందోబస్తు. ఎస్పీ జానకి షర్మిల :
సూర్య నిర్మల్ ప్రతినిధి:బాసర శ్రీ జ్ఞాన సరస్వతి అమ్మవారి ఆలయంలో మూల నక్షత్రం సందర్భంగా మహా అక్షరాభ్యాసానికి భక్తులు భారీగా తరలివచ్చారు. ఈ నేపథ్యంలో సుమారు 200 మంది పోలీసులతో పటిష్ట బందోబస్తు ఏర్పాటు చేశారు.జిల్లా ఎస్పీ డా. జి. జానకి షర్మిల అమ్మవారిని దర్శించుకున్న అనంతరం పోలీసు అధికారులతో కలిసి భద్రతా ఏర్పాట్లను స్వయంగా పరిశీలించారు. గోదావరి ఘాట్లు, అక్షరాభ్యాస మండపాలు, క్యూలైన్లు, ట్రాఫిక్, పార్కింగ్‌ ప్రాంతాల్లో అప్రమత్తంగా ఉండాలని ఆదేశించారు. చిన్నారులు, మహిళలు, వృద్ధుల భద్రతకు ప్రాధాన్యం ఇవ్వాలని సూచించారు.భక్తులు పోలీసుల సూచనలు పాటిస్తూ ప్రశాంతంగా దర్శనాలు చేసుకోవాలని జిల్లా పోలీసు శాఖ విజ్ఞప్తి చేసింది.
