పోలింగ్ కేంద్రం లోకి అభ్యర్థిని రానివ్వని సీఐ గంగాధర్

ఆత్మకూరు, మేజర్ న్యూస్ :     ఆత్మకూరులో మున్సిపల్ ఎన్నికల పోలింగ్ సందర్బంగా స్థానిక సి ఐ గంగాధర్ తమ అభ్యర్థులను పోలింగ్ కేంద్రాలకు రాకుండా అడ్డుకున్నారని మాజీ ఎమ్మెల్యే మేకపాటి విక్రమ్ రెడ్డి ఆరోపించారు. ఆయన ఆదివారం పట్టణంలోని పలు పోలింగ్ కేంద్రాలను పరిశీలించారు. తమ పార్టీ నాయకులతో, మున్సిపల్ చైర్మన్ అభ్యర్థి అల్లారెడ్డి ఇందుమతి, కౌన్సిలర్ అభ్యర్థులు తో పోలింగ్ సరళిని పరిశీలించారు. ఈ సందర్బంగా విక్రమ్ రెడ్డి మాట్లాడుతూ   
ఇప్పటికే సీఐ పై ఎన్నికల కమిషన్, జిల్లా కలెక్టర్, ఎస్పీలకు ఫిర్యాదు చేసామని,ముందుగానే సీఐ ను ఎన్నికల విధుల నుండి పక్కన పెట్టాలని కోరడం జరిగిందన్నారు.  అయినప్పటికీ అతనితోనే విధులు చేయిస్తూ అధికార పార్టీ ఏజెంట్ గా వ్యవహారిస్తున్నారని మేకపాటి ఆరోపించారు.  అధికార పార్టీ నాయకులు కూడా కేంద్రం లోకి వెళ్తున్నారు. తమ ఏజెంట్ల ను సైతం పోనివ్వడం లేదన్నారు.ఎన్నికల సంఘం వీటన్నిటిని పరిశీలించి చర్యలు తీసుకోవాలని   మేకపాటి విక్రమ్ రెడ్డి కోరారు.