పోలింగ్ కేంద్రాల తనిఖీ

ఉదయగిరి, మేజర్ న్యూస్ :   ఎంపీటీసీ, జడ్పీటీసీ ఎన్నికల్లో భాగంగా మండలంలోని పలు పోలింగ్ కేంద్రాలను శుక్రవారం ఎన్నికల రిటర్నింగ్ అధికారి వెంకటరెడ్డి తనిఖీ చేశారు. ఈ సందర్భంగా మండలంలోని 10, 11, 12, 13, 14, 35, 36 తదితర పోలింగ్ కేంద్రాలను పరిశీలించారు. పోలింగ్ కేంద్రాల్లో తాగునీరు, విద్యుత్ సౌకర్యం, మరుగుదొడ్లు, దివ్యాంగ, వృద్ధ ఓటర్లకు సంబంధించిన ర్యాంపులు తదితర అవసరమైనసౌకర్యాలపై ఆరా తీశారు. పోలింగ్ కేంద్రాల్లో సిబ్బందికి, ఓటర్లకు ఎలాంటి ఇబ్బంది లేకుండా అవసరమైన ఏర్పాట్లు పూర్తి చేయాలని సంబంధిత అధికారులకు సూచించారు. ఎన్నికల నియమావళిని పాటిస్తూ ఎన్నికల ప్రక్రియ పారదర్శకంగా ప్రశాంతంగా నిర్వహించేందుకు నిర్వహిం చేలా చర్యలు చేపట్టాలన్నారు. ఈ కార్యక్రమంలో ఎంపీడీవో సుకుమార్, జోనల్ అధికారులు శ్రీనివాసులు, శ్రీనివాసరాజు, రూట్ ఆఫీసర్లు, సిబ్బంది తదితరులు పాల్గొన్నారు.