పంచేడు వైసీపీ శ్రేణులు టీడీపీ బాట.. 50 మందికిపైగా నేతల చేరిక – ఎమ్మెల్యే వేమిరెడ్డి ప్రశాంతి రెడ్డి

నెల్లూరు సిటీ మేజర్ న్యూస్   :స్థానిక ఎన్నికల నేపథ్యంలో కోవూరు నియోజకవర్గంలో తెలుగుదేశం పార్టీకి మరింత ప్రజాదరణ పెరుగుతోంది. నెల్లూరు పార్లమెంటు సభ్యులు శ్రీ వేమిరెడ్డి ప్రభాకర్ రెడ్డి, కోవూరు శాసనసభ్యులు శ్రీమతి వేమిరెడ్డి ప్రశాంతి రెడ్డి దంపతులు చేపడుతున్న అభివృద్ధి, సేవా కార్యక్రమాలకు ఆకర్షితులై ఇతర పార్టీల నుంచి భారీగా నేతలు టీడీపీ బాట పడుతున్నారు.

ఈ క్రమంలో తెలుగుదేశం పార్టీ బుచ్చిరెడ్డిపాళెం రూరల్‌ అధ్యక్షులు బెజవాడ జగదీష్‌, తెలుగుదేశం యువత రూరల్‌ అధ్యక్షులు కొప్పు మౌళి ఆధ్వర్యంలో పంచేడు గ్రామానికి చెందిన దాదాపు 50 మందికి పైగా వైసీపీ కీలక నేతలు ఆదివారం సాయంత్రం నెల్లూరులోని వీపీఆర్‌ కార్యాలయంలో కోవూరు శాసనసభ్యులు శ్రీమతి వేమిరెడ్డి ప్రశాంతి రెడ్డి గారి ఆధ్వర్యంలో తెలుగుదేశం పార్టీలో చేరారు. పార్టీలోకి వచ్చిన నాయకులకు ఎమ్మెల్యే వేమిరెడ్డి ప్రశాంతి రెడ్డి గారు పసుపు కండువాలు కప్పి సాదరంగా ఆహ్వానించారు.

ఈ సందర్భంగా స్థానిక సంస్థల ఎన్నికల్లో కూటమి అభ్యర్థుల విజయానికి ప్రతి ఒక్కరూ సమన్వయంతో కృషి చేయాలని పిలుపునిచ్చారు. నియోజకవర్గంలో జరుగుతున్న సంక్షేమ, అభివృద్ధి ఫలాలను ప్రజల్లోకి తీసుకెళ్లాలని సూచించారు.అనంతరం చేరిన నాయకులు మాట్లాడుతూ.. వీపీఆర్ దంపతుల సమర్థవంతమైన నాయకత్వం, నియోజకవర్గంలో వారు అందిస్తున్న సేవల పట్ల నమ్మకంతోనే పార్టీలో చేరామని వెల్లడించారు. రాబోయే స్థానిక ఎన్నికల్లో వీపీఆర్ దంపతుల మార్గదర్శకత్వంలో శ్రమించి, కూటమి అభ్యర్థుల ఘనవిజయానికి తమవంతు కృషి చేస్తామని స్పష్టం చేశారు