పంచాయతీ ఎన్నికలకు అధికారులు సిద్ధం కావాలి

గరుగుబిల్లి, సూర్య : త్వరలో జరగనున్న గ్రామ పంచాయతీ ఎన్నికలను ప్రశాంతంగా, పారదర్శకంగా నిర్వహించేందుకు పూర్తి స్థాయిలో సన్నద్ధం కావాలని మండల పరిషత్ అభివృద్ధి అధికారి నడిమింటి సూర్యనారాయణ పేర్కొన్నారు.మండ ల పరిషత్ అభివృద్ధి కార్యాలయంలో బుధవారం గ్రామ పంచాయతీ కార్యద ర్శులతో ప్రత్యేక సమీక్షా సమావేశం నిర్వహించారు. ఈ సందర్భంగా ఎంపీడీఓ నడిమింటి సూర్యనారాయణ మాట్లాడుతూ రాష్ట్ర ఎన్నికల సంఘం జారీ చేసిన మార్గదర్శకాలను ప్రతి ఒక్కరూ తూచ తప్పకుండా పాటించా లని సూచించారు.గ్రామాల్లోని ఓటర్ జాబితాలో ఎలాంటి తప్పులు లేకుండా క్షేత్రస్థాయిలో పరిశీలించాలని గ్రామ పంచాయతీ కార్యదర్శులకు సూచిం చారు. గ్రామాల్లో ఓటర్ల తుది జాబితా పరిశీలన, పోలింగ్ కేంద్రాల గుర్తింపు, అక్కడ కల్పించా ల్సిన కనీస మౌలిక సదుపాయాలపై ప్రత్యేక దృష్టి సారిం చాలన్నారు.సమ స్యాత్మక గ్రామాలను ముందస్తుగా గుర్తించి నివేదిక అందించాలని ఎంపీడీ వో నడిమింటి సూర్యనారాయణ ఆదేశించారు. మండల పరిషత్ అభివృద్ధి కార్యాల యం ఏవో అర్జునరావు మాట్లాడుతూ మాట్లాడుతూ ఎన్నికల కమిషన్ మేరకు ఎన్నికల కోడ్ ఉల్లంఘన జరగకుండా గ్రామ పంచాయతీ కార్యదర్శులు అప్రమత్తంగా ఉండాలని తెలిపారు. నామినేషన్ల స్వీకరణ కేంద్రా ల వద్ద ఏర్పాట్లు,బ్యాలెట్ బాక్సుల భద్రత వంటి అంశాలపై కార్యదర్శులకు పలు సూచనలు చేశారు.ఈసమావే శంలో గ్రామ పంచాయతీ కార్యదర్శులు బంటు అప్పారావు, తిరుపతి భాస్కర రావు, సూరు శ్రీనివాసరావు, రంభ శశిభూషణరావు, బొంతల వైకుంఠ రావు, నీరస రవికుమార్, అడ్డూరి లలితకుమారి తదితరులు పాల్గొన్నారు.