పీఓలు, ఏపీఓలకు రెండో విడత శిక్షణ

నరసన్నపేట, సూర్య : స్థానిక సంస్థల ఎన్నికల నిర్వహణలో భాగంగా నరసన్నపేట మండల పరిషత్ సమావేశ మందిరంలో శనివారం పీఓలు, ఏపీఓలకు రెండో విడత శిక్షణ కార్యక్రమాన్ని నిర్వహించారు. ఎన్నికల రిటర్నింగ్ అధికారి అనురాధ, తహసీల్దార్ సత్యనారాయణ, ఎంపీడీవో విశ్వప్రసాద్, ఎంఈఓలు శాంతారావు, దాలినాయుడు ఈ కార్యక్రమంలో పాల్గొన్నారు. ఈ సందర్భంగా ఎన్నికల అధికారులు మాట్లాడుతూ ఎన్నికల విధులను బాధ్యతాయుతంగా నిర్వహించాలని, ఎలాంటి అవాంఛనీయ సంఘటనలకు తావులేకుండా ఎన్నికల ప్రక్రియను ప్రశాంతంగా, పారదర్శకంగా పూర్తి చేయాలని సూచించారు. ఎన్నికల సమయంలో పాటించాల్సిన నియమ నిబంధనలు, ఓటర్లకు కల్పించాల్సిన సౌకర్యాలు, పోలింగ్ నిర్వహణలో తీసుకోవాల్సిన జాగ్రత్తలు, విధుల నిర్వహణలో అనుసరించాల్సిన పద్ధతులపై సమగ్రంగా వివరించారు.