పర్యావరణ పరిరక్షణ సామాజిక బాధ్యత

నగరం, మేజర్ న్యూస్:
పర్యావరణ పరిరక్షణ ప్రతి ఒక్కరి సామాజిక బాధ్యత యని, ప్రకృతి వనరులను సంరక్షిస్తూ పర్యావరణహిత జీవనశైలిని అలవర్చుకోవాలని మండల కేంద్రమైన నగరం శ్రీ వెలగపూడి రామకృష్ణ స్మారక కళాశాల ప్రిన్సిపల్  డాక్టర్ అనగాని హరికృష్ణ అన్నారు. ఆదివారం కళాశాలలో బ్రిక్స్ సుస్థిర జీవనశైలి వారోత్సవాలు ఆయన ప్రారంభించి మాట్లాడుతూ మొక్కలు నాటడంతో పాటు వాటి సంరక్షణ కూడా చేపట్టాలని పిలుపునిచ్చారు. సుస్థిర జీవనశైలి ప్రాముఖ్యతను తెలియజేస్తూ కళాశాల పరిపాలన సిబ్బంది, అధ్యాపకులు, విద్యార్థులు జీవనశైలి ప్రతిజ్ఞ చేశారు. అనంతరం మొక్కలు నాటారు. కార్యక్రమంలో కళాశాల వైస్ ప్రిన్సిపాల్ ఆర్. ప్రసన్న బాబు, ఎన్ సీ సీ అధికారి లెఫ్టినెంట్ వి. సాంబమూర్తి, ఎన్ ఎస్ ఎస్ అధికారి డాక్టర్ వి. రమేష్ బాబు, నోడల్ అధికారి డాక్టర్ ఏ. కోటేశ్వరరావు, కార్యాలయ సూపరింటెండెంట్ పి. అమరేష్ రెడ్డి, అధ్యాపకులు, ఎన్ సీ సీ క్యాడెట్లు, ఎన్ ఎస్ ఎస్ వాలంటీర్లు, విద్యార్థులు పాల్గొన్నారు.