కంట్రోల్ రూమ్ నుంచి పోలింగ్ ప్రక్రియను పర్యవేక్షించిన జాయింట్ కలెక్టర్
విజయనగరం, సూర్య : న్సిపల్ ఎన్నికల పోలింగ్ ప్రక్రియను జిల్లా ఎన్నికల కంట్రోల్ రూమ్ నుంచి జాయింట్ కలెక్టర్ సేదు మాధవన్ నిరంతరం పర్యవేక్షించారు. ఉదయం ఆరు గంటలకే కంట్రోల్ రూమ్ కు చేరుకున్న జెసి వివిధ పోలింగ్ కేంద్రాల్లో పరిస్థితులు, ఓటింగ్ సరళి, పోలింగ్ సిబ్బంది అందుబాటుపై కంట్రోల్ రూమ్ నుండి ఎప్పటికప్పుడు సమీక్షిస్తూ అధికారులకు పలు సూచనలు చేశారు. సెక్టార్ అధికారులు, మున్సిపల్ కమిషనర్లతో సమన్వయం చేసుకుంటూ సమస్యలు తలెత్తితే తక్షణమే పరిష్కరించాలని ఆదేశించారు. కాల్ సెంటర్ ద్వారా సమాచారాన్ని సేకరిస్తూ పోలింగ్ ప్రశాంతంగా, సజావుగా జరిగేలా అప్రమత్తంగా ఉండాలని సూచించారు. అదేవిదంగా విజయనగరం మున్సిపల్ ఎన్నికల ఎలక్షన్ సెల్, అసిస్టెంట్ సిటీ ప్లానర్ రమణమూర్తి పర్యవేక్షణలో పనిచేసింది. ఎన్నికల విధులను బాధ్యతాయుతంగా నిర్వహించి పోలింగ్ ప్రక్రియను ప్రశాంతంగా పూర్తి చేయాలని జాయింట్ కలెక్టర్ ఆదేశించారు.
