ఎంబీయూలో 'ఐఈఈఈ అంతర్జాతీయ కాన్ఫరెన్స్ ఐసిఏఈఎస్ఐఎస్-2026' విజయవంతం

తిరుపతి, రెవెన్యూ ,మేజర్ న్యూస్.

ఎంబీయూలో 'ఐఈఈఈ అంతర్జాతీయ కాన్ఫరెన్స్ ఐసిఏఈఎస్ఐఎస్-2026' విజయవంతం

తిరుపతిలోని మోహన్ బాబు యూనివర్సిటీలో ఎలక్ట్రికల్ అండ్ ఎలక్ట్రానిక్స్ ఇంజనీరింగ్ విభాగం ఆధ్వర్యంలో మూడు రోజుల 'ఐఈఈఈ అంతర్జాతీయ కాన్ఫరెన్స్ 2026'  విజయవంతంగా జరిగింది. "సుస్థిర భవిష్యత్తు కోసం వినూత్న ఇంజనీరింగ్" అనే ఇతివృత్తంతో నిర్వహించిన ఈ సదస్సులో భారత్, అమెరికాల నుంచి హాజరైన ప్రతినిధులు దాదాపు 280 పరిశోధనా పత్రాలను సమర్పించారు.

​ఈ కాన్ఫరెన్స్‌లో విదేశీ, దేశీయ ప్రముఖ నిపుణులు డాక్టర్ కళ్యాణ్ కె. సేన్, ప్రొఫెసర్ శ్రీరామ శ్రీనివాస్, డాక్టర్ వి.ఎస్.కె. మూర్తి, బాలా ప్రసాద్ పెద్దిగారి, డాక్టర్ రామకృష్ణ కప్పగంతు, డాక్టర్ పద్మ సాయి యార్లగడ్డ పాల్గొని తమ అమూల్యమైన సందేశాలను అందించారు.

​వర్సిటీ వైస్ ఛాన్సలర్ ప్రొఫెసర్ పి.వి. రమణ, రిజిస్ట్రార్ డాక్టర్ కె. సారధి, డీన్ డాక్టర్ ఎస్. బాబు దేవసేనాపతిల మార్గదర్శకత్వంలో హెచ్ఓడీ డాక్టర్ ఎం.ఎస్. సుజాత, కోఆర్డినేటర్లు డాక్టర్ బి. హేమంత్ కుమార్, డాక్టర్ సురేష్ బాబు దారమ్, ఈఈఈ విభాగ బృందం ఈ కార్యక్రమాన్ని దిగ్విజయం చేశారు. విద్యార్థుల్లో పరిశోధనాత్మక నైపుణ్యాలను పెంచేందుకు ఈ సదస్సు ఎంతగానో దోహదపడుతుందని నిర్వాహకులు తెలిపారు.

కె రాజేష్ రిపోర్టర్ తిరుపతి