సామాన్య ఓటర్లతో కలిసి ఓటు హక్కు వినియోగించుకున్న ఎమ్మెల్యే కోటంరెడ్డి శ్రీధర్ రెడ్డి

నెల్లూరు, మేజర్ న్యూస్ :   నెల్లూరు నగరపాలక సంస్థ ఎన్నికల సందర్భంగా నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి తన ఓటు హక్కును వినియోగించుకున్నారు. రూరల్ పరిధిలోని మాగుంట లేఔట్‌లో ఉన్న ఎస్‌ఆర్‌కే స్కూల్ పోలింగ్ కేంద్రానికి చేరుకున్న ఆయన సామాన్య ఓటర్లతో కలిసి క్యూలో నిలబడి ఓటు వేశారు. ప్రజాస్వామ్యంలో ఓటు హక్కు అత్యంత కీలకమని, ప్రతి ఒక్కరూ తమ ఓటును బాధ్యతగా వినియోగించుకోవాలని ఈ సందర్భంగా ఆయన సూచించారు. సామాన్య ఓటర్లతో కలిసి పోలింగ్ కేంద్రానికి చేరుకుని ఓటు వేయడం ద్వారా ప్రజాస్వామ్య ప్రక్రియలో భాగస్వాములయ్యారు.