పాంచాలి నగర్ అంగన్వాడీ కేంద్రం వద్ద చెత్త కుప్పలు.

రేణిగుంట మేజర్ న్యూస్: రేణిగుంటలోని పాంచాలి నగర్ అంగన్వాడీ కేంద్రం పరిసరాలు చెత్తాచెదారంతో నిండిపోయి అపరిశుభ్రంగా మారాయి. చెత్త కుప్పల మధ్య పందులు స్వైర విహారం చేస్తుండటంతో స్థానికులు తీవ్ర అసహనం వ్యక్తం చేస్తున్నారు. అంగన్వాడీ కేంద్రం పరిసరాల్లో ఇలాంటి అపరిశుభ్ర పరిస్థితులు ఉండటం వల్ల చిన్నారుల ఆరోగ్యంపై ప్రభావం పడే ప్రమాదం ఉందని ఆందోళన వ్యక్తం చేస్తున్నారు. సంబంధిత పంచాయతీ అధికారులు తక్షణమే స్పందించి చెత్తను తొలగించి, పరిసరాలను పరిశుభ్రంగా ఉంచేలా చర్యలు తీసుకోవాలని స్థానికులు కోరుతున్నారు.