andhrapradesh
పలాస-కాశీబుగ్గ మున్సిపల్ చైర్ పర్సన్ గా కాంగ్రెస్ అభ్యర్థిగా బద్రి సీతమ్మ యాదవ్ నామినేషన్.
పలాస, అక్టోబర్ 18, మేజర్ న్యూస్.
పలాస-కాశీబుగ్గ మున్సిపల్ చైర్ పర్సన్ పదవికి ఆదివారం ఇండియన్ నేషనల్ కాంగ్రెస్ పార్టీ తరఫున బద్రి సీతమ్మ యాదవ్ నామినేషన్ దాఖలు చేశారు.పలాసలోని పురుషోత్తపురం ప్రాంతానికి చెందిన ఆమె చాలాకాలంగా రాజకీయాల్లో కొనసాగుతున్నారు.సామాజిక స్పృహ కలిగిన నాయకురాలిగా పలాసలో ఆమెకు మంచి గుర్తింపు ఉంది.పురుషోత్తపురం ప్రాంతంలో బద్రి సీతమ్మ కుటుంబానికి సుదీర్ఘకాలంగా ప్రజలతో అనుబంధం ఉంది. స్థానిక సమస్యలు, పేదల హక్కులు, మహిళల సమస్యలపై ఆమె ఎప్పుడూ ముందుండి పోరాడుతూ వస్తున్నారని కాంగ్రెస్ శ్రేణులు తెలిపారు.కాంగ్రెస్ పార్టీ ధైర్యం ఉన్న మహిళా నాయకురాలికి టికెట్ ఇవ్వడం పట్ల పట్టణంలోని అన్ని వర్గాల ప్రజల నుంచి హర్షం వ్యక్తమవుతోందని, ఆమె గెలిస్తే మున్సిపాలిటీ అభివృద్ధిలో కొత్త అధ్యాయం మొదలవుతుందని అనుచరులు ఆశాభావం వ్యక్తం చేస్తున్నారు.
