ఓపెన్ స్కూల్ పై అవగాహన కార్యక్రమం

చిత్తూరు ప్రతినిధి మేజర్ న్యూస్: ఆంధ్రప్రదేశ్ సార్వత్రిక విద్యాపీఠం ఆధ్వర్యంలో ఎస్ ఎస్ సి , ఇంటర్మీడియట్ నందు ప్రవేశాలపై అవగాహన కార్యక్రమం మంగళవారం పిసిఆర్ ప్రభుత్వ ఉన్నత పాఠశాల లో నిర్వహించారు. ఈ సందర్భంగా జిల్లా విద్యాశాఖ అధికారి లక్ష్మీనారాయణ , సమగ్ర శిక్షా అడిషనల్ ప్రాజెక్ట్ కోఆర్డినేటర్ మద్దిపట్ల వెంకటరమణ , ఓపెన్ స్కూల్ కోఆర్డినేటర్ జయప్రకాష్ నాయుడు మాట్లాడుతూ మధ్యలో బడి మానేసినటువంటి విద్యార్థులను గుర్తించి వారిని ఓపెన్ స్కూల్ ద్వారా ఎస్ ఎస్ సి  ఇంటర్మీడియట్ లో ప్రవేశం కల్పించాలని సూచించారు .14 సంవత్సరాలు నిండిన వారికి ఎస్ఎస్సి లో మరియు 16 సంవత్సరాలు నిండిన వారికి ఇంటర్మీడియట్ నందు ప్రవేశానికి అర్హులని సూచించారు. ఎస్ఎస్ సి  ఇంటర్మీడియట్ లో ఓపెన్ స్కూల్ విధానంతో పరీక్షలు రాయుటకు ఈనెల 15వ తేదీ చివరి తేదీగా సూచించారు.జిల్లాలో 4,262 మంది ఇంటర్మీడియట్ విద్యార్థులను చేర్పించుటకు టార్గెట్ నిర్దేశించుకున్నట్లు తెలిపారు. ప్రతి మండల విద్యాశాఖ అధికారి ఓపెన్ స్కూల్ ఏ.ఐ.లతో వెబెక్స్ నిర్వహించి టార్గెట్ ను రీచ్ కావడానికి కృషి చేయాలని సూచించారు. 

ఉమాశంకర్ చిత్తూరు స్టాఫ్ రిపోర్టర్.