నంద్యాలలో నామినేషన్ల స్వీకరణ ప్రక్రియను పరిశీలించిన జిల్లా కలెక్టర్ రాజకుమారి గణియా

సూర్య, నంద్యాల బ్యూరో:నంద్యాల మున్సిపల్ కార్యాలయంలో మున్సిపల్ ఎన్నికల నామినేషన్ల స్వీకరణ ప్రక్రియ ఏర్పాట్లను జిల్లా కలెక్టర్ రాజకుమారి గణియా పరిశీలించారు. పట్టణ స్థానిక సంస్థల ఎన్నికల నామినేషన్ల ప్రక్రియను నిబంధనల మేరకు పారదర్శకంగా నిర్వహించాలని అధికారులను ఆమె ఆదేశించారు. నామినేషన్ల దాఖలలో అభ్యర్థులకు ఎలాంటి ఇబ్బందులు కలగకుండా అవసరమైన అన్ని ఏర్పాట్లు చేయాలని ఆదేశించారు. నామినేషన్ల స్వీకరణలో అధికారులు అప్రమత్తంగా వ్యవహరిస్తూ ఎన్నికల ప్రక్రియను ప్రశాంతంగా, నిష్పక్షపాతంగా నిర్వహించాలని ఆదేశించారు. 

*మధుబాబు, సూర్య బ్యూరో ఇంచార్జి, నంద్యాల జిల్లా*