కూటమి ప్రభుత్వంతోనే కడప అభివృద్ధి

కడప మేజర్ న్యూస్ :కడప కార్పొరేషన్ కూటమి మేయర్ అభ్యర్థిగా డాక్టర్ మట్లి సువర్ణ.కడప ఎమ్మెల్యే క్యాంప్ కార్యాలయంలో శనివారం మీడియా సమావేశం నిర్వహించి, కూటమి అధిష్టానం, అధినేత నారా చంద్రబాబు నాయుడు  నిర్ణయం మేరకు మేయర్ అభ్యర్థిగా డాక్టర్ మట్లి సువర్ణ  పేరును ప్రకటించిన ప్రభుత్వ విప్, కడప ఎమ్మెల్యే శ్రీమతి రెడ్డెప్పగారి మాధవి గారు మరియు టీడీపీ జోనల్ కో-ఆర్డినేటర్ శ్రీ రెడ్డెప్పగారి శ్రీనివాసరెడ్డి . 

ఈ సందర్భంగా వారు మాట్లాడుతూ.. ఉన్నత విద్యావంతురాలు, మంచి సాంప్రదాయ కుటుంబం నుంచి వచ్చిన మహిళ డాక్టర్ మట్లి సువర్ణ గారిని పార్టీ అధినేత నారా చంద్రబాబు నాయుడు  ఎంపిక చేశారని తెలిపారు. ఆమె భర్త డాక్టర్ మధుసూదన్ రెడ్డి  ఎన్నో ఏళ్లుగా కడప ప్రజలకు వైద్య సేవలు అందిస్తూ అందరి ఆదరణ పొందిన కుటుంబమని పేర్కొన్నారు. కడపలో మహిళా ఎమ్మెల్యే ఉన్న నేపథ్యంలో, కార్పొరేషన్ పీఠంపై కూడా చదువుకున్న మహిళా మేయర్ వస్తే నగర సమగ్ర అభివృద్ధి సాధ్యమవుతుందని అన్నారు.  గత 20 ఏళ్లుగా కార్పొరేషన్‌లో వైసీపీ అవినీతి, అక్రమాలు, దోపిడీ తప్ప చేసిందేమీ లేదని, రాష్ట్రంలోనే అవినీతి ఆరోపణలతో పదవి కోల్పోయిన చరిత్ర వారి మేయర్‌దని మండిపడ్డారు. మరోవైపు హత్యారాజకీయాలు, భూకబ్జాలు, ఇప్పటికీ 307 కేసులో ముద్దాయిగా ఉన్న వ్యక్తి భార్యను వైసీపీ అభ్యర్థిగా నిలిపిందని తీవ్రంగా విమర్శించారు. నేర చరిత్ర ఉన్నవారిని తరిమికొట్టి, స్వచ్ఛమైన సేవలందించే డాక్టర్ మట్లి సువర్ణ గారికి, 66 డివిజన్ల కూటమి అభ్యర్థులకు సైకిల్ గుర్తుపై ఓటేసి భారీ మెజారిటీతో గెలిపించాలని కడప ప్రజలకు పిలుపునిచ్చారు.