కొమరం భీమ్ విగ్రహ ఆవిష్కరణను జయప్రదం చేయాలి..పర్ణశాల పంచాయతీ తీర్మానం.

దుమ్ముగూడెం సూర్య మేజర్ న్యూస్::మండల పరిధిలోని ములకపాడు జంక్షన్‌లో అక్టోబర్ 22న జరగనున్న అమరవీరుడు కొమరం భీమ్ విగ్రహ ఆవిష్కరణను విజయవంతం చేయాలని పర్ణశాల గ్రామపంచాయతీ తీర్మానించింది. శనివారం సర్పంచ్ వాగే ఖాదర్ బాబు అధ్యక్షతన జరిగిన సమావేశంలో భీమ్ త్యాగాలను స్మరించుకుంటూ, ప్రజలంతా ఈ కార్యక్రమానికి తరలిరావాలని పిలుపునిచ్చారు.అలాగే పెద్దబండిరేవు ప్రాంతంలో 1.5 కి.మీ గ్రావెల్ రోడ్డు పనులను త్వరగా పూర్తి చేయాలని నిర్ణయించారు. సమావేశం అనంతరం పంచాయతీ ఆవరణలో మహిళలు బతుకమ్మ సంబరాలను ఘనంగా జరుపుకున్నారు.ఈ కార్యక్రమంలో ఉప సర్పంచ్ శ్రీధర్,కార్యదర్శి సురేష్, వార్డు సభ్యులు ఉమా, శిరీష, సతీష్, వెంకటరమణ, ముత్యాలక్క, భద్రయ్య, లక్ష్మి, కవిత ,సమ్మక్క, పాల్గొన్నారు.