ఉద్యమకారులు అలైబలైను జయప్రదం చేయాలి
ఉద్యమకారుల అలైబలైను జయప్రదం చేయాలి
అమరవీరుల స్తూపం వద్ద గోడపత్రిక ఆవిష్కరణ
మంచాల :ఈ నెల 25న నాగోల్‌లో నిర్వహించనున్న ఉద్యమకారుల అలైబలై కార్యక్రమాన్ని జయప్రదం చేయాలని ఉద్యమకారుల సంక్షేమ సంఘం నాయకులు పిలుపునిచ్చారు. ఈ మేరకు ఇబ్రహీంపట్నం నియోజకవర్గ కేంద్రంలోని అమరవీరుల స్తూపం వద్ద శనివారం గోడపత్రికను ఆవిష్కరించారు. ఉద్యమకారుల సంక్షేమ సంఘం రాష్ట్ర అధ్యక్షుడు కాచం సత్యనారాయణ ఆధ్వర్యంలో నాగోల్‌లోని శుభం ఫంక్షన్‌ హాల్‌లో ఈ కార్యక్రమం నిర్వహించనున్నట్లు కన్వీనర్‌ బండి మహేష్‌ తెలిపారు. ఈ కార్యక్రమానికి అన్ని ఉద్యమ సంఘాలు, అన్ని రాజకీయ పార్టీల ప్రతినిధులు, తెలంగాణ ఉద్యమ తొలిదశ, మలిదశ ఉద్యమకారులు పెద్ద సంఖ్యలో హాజరై విజయవంతం చేయాలని కోరారు. ఈ సందర్భంగా కోఆర్డినేటర్‌ మడుపు వేణుగోపాలరావు మాట్లాడుతూ.. ప్రభుత్వం అధికారంలోకి రాకముందు ఉద్యమకారులకు అనేక హామీలు ఇచ్చిందని, వాటిని వెంటనే అమలు చేయాలని డిమాండ్‌ చేశారు. ఈ నెల 25న జరిగే అలైబలై కార్యక్రమం ద్వారా ఉద్యమకారుల ఐక్యతను, సంఘటిత శక్తిని చాటాలని పిలుపునిచ్చారు. ఈ కార్యక్రమంలో సమన్వయకర్తలు వినోద్‌కుమార్‌ గుప్తా, తాళ్ల వెంకటేష్‌ గౌడ్‌, ఆముదాల యాదగిరి, మండల సమన్వయకర్తలు సుధాకర్‌, మడుపు గోపాల్‌, మంచాల మండల నాయకుడు నూతనగంటి శేఖర్‌, యాచారం నాయకులు నారిమల యాదయ్య, వెంకటేష్‌ యాదవ్‌, ఉద్యమకారులు గాజుల గోపాల్‌, భర్తకి రాజు, జహీర్‌ భాయ్‌, లక్ష్మీపతి, గణేష్‌ తదితరులు పాల్గొన్నారు.
✍️ఎర్ర లింగం, సూర్య రిపోర్టర్
